محمد فراج: تصوير مسلسل الغرفة 207 كان قاسي جدا ومكنتش بنام عشان محلمش بكوابيس| خاص

أعرب الفنان محمد فراج عن سعادته بـ عرض مسلسل “الغرفة 207”، على منصة شاهد الإلكترونية، مشيرا إلى أن فترة عرضه مع عيد الهالوين مناسب تماما لـ قصة المسلسل التي تدور في إطار الرعب والتشويق.

تحيا مصر يرصد في ذلك التقرير تصريحات محمد فراج عن الغرفة 207

محمد فراج عن عرض الغرفة 207: بتمنى اللحظة دي من زمان

قال محمد فراج خلال تصريح خاص لـ موقع تحيا مصر، على هامش العرض الخاص لـ أولى حلقات مسلسل الغرفة 207: “المشروع ده حاجة كبيرة لـ كل اللي اشتركوا في صنعة، وبتمنى اللحظة دي من زمان، ومش كتير بنقابل من أول مرة ورق قوي ومحكم في حاجة معندناش فيها غزارة انتاجية بقالنا فترة كبيرة”.

وتابع كاشفا عن تفاصيل العمل: المسلسل مش رعب قد ما هو إثارة درامية، وأما قريب المسلسل من أول حلقة كلمت المخرج والمؤلف وقولتلهم محدش هيقوم بالمسلسل ده غيري، والموضوع كان عندي وعند بقيت صناع الموضوع فيها تحمس كبير جدا".

محمد فراج: مبحبش أقرأ رواية لـ عمل درامي إلى أما أخلص العمل

وعن قرائته للرواية قبل تمثيل مشاهداته في العمل أجاب محمد فراج: “قرأت الرواية بس مبحبش انه الرواية اللي هتتحول لعمل درامي او فني، لو أنا مكنتش أعرفها ومقرأتهاش قبل كدة مش بقرأها إلى بعد اما أخلص العمل، ولازم تتفرج على المسلسل عشان تفهمه لأنه فيه خيوط كتير مرتبطة ببعض”.

محمد فراج يكشف صعوبات تصوير مسلسل الغرفة 207

وتطرق محمد فراج بالحديث عن صعوبات تصوير الغرفة 207، فقال: “المسلسل شاف ظروف صعبة جدا لكن الحمدلله ربنا كان واقف جنبنا في ظروف صعبة جدا، وخد وقت أكتر من اللي المفروض كان يتصور فيه مسلسل 10 حلقات جاهز كتابته بنسبة 90% وصورنا الشتا اللي فات كله، والشتاء كان قارص والموضوع كان قاسي جدا خلال التصوير، وكان فيه مشاهد صعبة جدا قدام الكاميرا والكواليس”.

وأكد: “مكنتش بنام كتير اصلا عشان كفايا الكوابيس اللي عيشناها في المسلسل”.

أما عن المواقف الطريفة الذي واجته خلال التصوير، فقال فراج: “كان بنصور مرة في الريسبشن وكانت حفلة كبيرة، ففي حد من المثلين المش رئيسين صرخ بدرجة كبيرة، وكان وقتها بنعمل بروفات، فكلنا وقنا تصوير وروحنا شوفنا في ايه راح بصصلنا كدة وعرفنا انه عنده كهربا زيادة”.

واختتم حديثه قائلا: “توقيت عرض المسلسل في الهالوين مناسب جدا، وأنا سعيد بيه”

مسلسل الغرفة 207

جدير بالذكر، ان  مسلسل الغرفة 207 تدور قصته حول غرفة معلونة أصر مالكها على بقائها مغلقة رغم ما ينتج عنها من أذية لساكني الفندق، وتلك الغرفة كل من يدخل يحدث له فعل شنيع ومؤذي إلا قليل منهم يستطيع أن ينجو، ولكن مع مرور الوقت يكتشف بعض الأشخاص حقيقة تكل الغرفة.