محمود عامر: ببقى حريص أني معملش حاجة ضد معتقداتي وقيمي وأخلاقي

تحدث الفنان محمود عامر عن أسرته والمعايير التي تتواجد في العمل الذي يوافق على المشاركة به، وذلك أثناء حواره اليوم ببرنامج “الستات ميعرفوش يكدبوا” المذاع عبر شاشة تلفزيون قناة “cbc”.

تحيا مصر يرصد تصريحات محمود عامر في برنامج “الستات ميعرفوش يكدبوا”

حيث قال محمود عامر عن أسرته: “زوجتى مساندة ليا في مشواري الفني، أنا مأجبرتش ولادي على دخول مجال الفن وبما أن الأب ممثل والأم ممثلة فأكيد الجينات هتبقى واحدة”.

وتابع قائلًا: “والمشاهد أو المتلقي لو معجبوش اللي بتقدميه الله في سماه لو دفعتيلوا فلوس الكون مش هيطيقك بردو لكن لما ربنا بيديكي منحة من عنده بتوصل للمتلقي من غير ما حد يخبط”.

محمود عامر ومعايير اختيار أدواره

وفي الحلقة ذاتها، كشف محمود عامر عن معاييره في اختيار الأدوار التي يجسدها، حيث قال: “أنا لست في مرحلة أختار ايه وما اخترش ايه، هذا هو المعروض عليكي.. أنا بشتغل حسب ما ربنا سبحانه وتعالى ميسر لي، وببقى حريص أني معملش حاجة ضد معتقداتي وقيمي وأخلاقي”.

وأضاف: “لما جه أستاذ حاتم فودة عرض عليا دور المماليك أنا اتخضيت وقولتله ازاي هقول الكلام دا فقالي أنت ممثل ومش معنى أنك عملت دور دكتور فانك هتفضل طول عمرك تعمل دور دكتور”.

محمود عامر في “أعمل ايه”

كما تحدث الفنان القدير محمود عامر عن شخصيته في مسلسل “أعمل ايه” وردود الأفعال التي تلقاها من الجمهور، حيث قال محمود عامر: “معظم اللي بيتفرجوا على المسلسل بيبعتولي على الخاص ويقولولي أستاذ محمود هو شاهين عمل ايه وهيحصله ايه، لدرجة أن الشخصية نفسها معلقة معاهم وعايزين يعرفوا الراجل دا هيحصلوا ايه”.

وتابع محمود عامر حديثه عن شخصيته في مسلسل “أعمل ايه” قائلًا: “أنا حتى نفسي كممثل سألت طب الراجل دا ايه موقف القانون منه، هو فاضل 4 أيام ومازالوا بيتصوروا، والكل تعاطف مع الشخصية وفي الآخر القانون بيحكم”.

محمود عامر: بعد ما قريت دور عم شاهين معرفتش امسك دموعي

كما وقال محمود عامر خلال لقائه ببرنامج الستات ميعرفوش يكدبوا: أنا قريت الكلام بعد ما بعتهولي الاستاذ محمد سطوحي المدير الفني، ومعرفتش أمسك دموعي وأنا بقرأ الورق، وأنا سيبت دقني ونعكشت شعري بالشكل ده وسيبت القميص مدلدل عليا على اساس ان الراجل مشكلة ومصيبة سودا بالنسباله.