جابولي أكسجين.. فريدة سيف النصر تكشف عن تعرضها لوعكة صحية

كشفت الفنانة القديرة فريدة سيف النصر عن تعرضها لوعكة صحية خلال الفترة الماضية لكنها لم تستلم للمرض نظرًا لضرورة عملها ومراعاة أحفادها وحيوانتها.

تحيا مصر يرصد تفاصيل أزمة فريدة سيف النصر الصحية. 

تفاصيل أزمة فريدة سيف النصر الصحية. 

وكتبت فريدة سيف النصر عبر حسابها الرسمي بموقع التواصل الاجتماعي فيس بوك: يا حبايبي أنا تعبانة بجد مش هزار، والدكتور مش لاقي مبرر دي قلة أدب والله، مناخير مسدودة وصدري مغلبش معرفش جبتها إزاي دي ولا بدخن ولا بقعد مع مدخنين، همدان حرارة برودة وجابولي أوكسجين فيه محلول، كله 500 إيه الهده دي بقا.

وأضافت فريدة سيف النصر: أعرق أسقع أسخن أدوخ أكح أعطس كل الفصول شغالة، باين ثقب الأوزون بتاعي هو كمان باظ، بس على مين والله ولا أعبرك مبحبش أعيا، أحفادي مين يدلعهم، وكلابي مين يراعيهم، القطط والكلاب اللي بره مين يؤكلهم، شغلي مين يصوره، لا ده اللي مالوش أمان يلاقوا غيرك هوا مش مهم.. بس أنا هاوريها قلة الأدب دي، قال ألف وزة قال طيب ما أنا بمليون بطة.

فريدة سيف النصر تدعم صناع مسلسل الضاحك الباكى

من جانبه، حرصت الفنانة فريدة سيف النصر، على دعم صناع مسلسل “الضاحك الباكى” بعد تعرضهم للهجوم والانتقاد بعد عرض الحلقات الأولى من المسلسل.

وكتبت فريدة سيف النصر عبر حسابه بـ فيسبوك: "نجيب الريحاني.. لما الصحافة والمواقع تفتح عينك علي سؤال واحد إيه رأيك في الضاحك الباكي والهجوم عليه.. وأسئلة غريبة هرد واقول بالتفصيل.. اه بتفرج ده محمد فاضل يعني.. اللي اتشرفت بمسلسل الشارع الجديد معاه..".

وأضافت: " ثانيا..البطء والألوان والديكور والأداء..مش فاهمة المقصود؟ يا أساتذة الأداء في الأربعينات كده البساطة والهدوء كده ظروفهم المعيشية كده وصح جدا بل كنت اتمني يتصور أسود وابيض.ونلون بعدين..أنا شايفه لانه سيرة ذاتية يعني بينقل لك حياة كاملة حقيقية بلا فذلكة وتدخلات وابهارات بصرية واكشن ..في ايه ياجماعه كل عمل له جو خاص به..".

وتابعت: "وهجوم ليه هو احنا لسه شوفنا ربع العمل حتي يا ساتر يارب.. تعالوا نحب الخير لبعض الموت مش بعيد عن أي حد كبير أو صغير بلاش كده.. نحكم قدام شويه.. أعمال كتير بدأت قوية وحركات وابهار وخفتت وماتابعنهاش.. وأعمال بدأت بسيطة وشوية شوية شدت وعليت وفي أعمال حدث ولا حرج قمة هجومكم ينفع معاهم لكن لاه انتم مركزين هنا ماعرفش ليه؟ ياحبايبي مش كده والله يأولاد ويابنات خليكم منصفين وأصحاب أقلام شريفة... اصبروا ماتبقوش محضرين السكاكين كده..مفضوحة يعني الطريقة ليه كده..لا حول ولاقوة الا بالله".

واختتمت: "وعلي فكره عمر عبد الجليل.. فجأة بقي الريحاني وعلشان أنا اقتنع وأصدق كاممثلة.. فالازم اقول له برافو قلعت عمر وفرملته بمفرداته بره الاستديو وليست نجيب أو لبسك شابووووووو. واصبروا عالذبح سموا الأول ياجزارين الفن".