سهير جودة: الموسيقى زي الصلاة.. بتدي إحساس بالأمان في الكون وبتدي الإحساس بالراحة

تحدثت الإعلامية سهير جودة عن مهرجان الموسيقى العربية، في دورته الـ 31، التي انطلقت في الأيام الماضية، وأصبح شاغل حيز واسع من السوشيال ميديا.

تحيا مصر يرصد تصريحات سهير جودة عن الموسيقى. 

تصريحات سهير جودة عن الموسيقى

وقالت جودة: الموسيقى زي الصلاة، بتدي إحساس بالأمان في الكون، وبتدي الإحساس بالبراح والراحة، ومهرجان الموسيقى العربية فيه مطربين من كل الدول العربية، من مصر في مطربين قدام وجداد، ومطربين عرب كبار.

وتابعت: الأصوات مميزة في المهرجان زي مي فاروق وآيات فاروق ومروة ناجي، هن أصوات محتاجة صناعة، هما نجوم بكل ما تحمله الكلمة من معنى، وهما عندهم كل مهارات النجوم، زي الصوت والحضور اللافت على المسرح، لكن إحنا ناقصنا صناعة النجوم ومحتاجين المهرجان ده أكتر من مرة في السنة، ومحتاجين نسمع هاني شاكر وعاصي الحلاني وراغب علامة وعفاف راضي وعلي الحجار ومدحت صالح أكتر من مرة في الأوبرا.

واضافت: كل الناس اللي كانوا موجودين في مهرجان الموسيقى واللي مستمر حتى يوم الخميس الجاي حالة من الروعة، أكتر حاجة ممكن تستوقفك الناس، والمسرح بيبقى فيه 2000 واحد، وأغلبهم ناس بتيجي على كرسي أو على عكاز، والجمهور اللي بيحضر المهرجان بيقولوا إن مصر لسه بخير، ذوقها لسة حلو، وإن قوة مصر الناعمة هتفضل  كبيرة ومؤثرة.

سهير جودة تهنئ النادي الأهلى بتتويجه ببطولة السوبر المصري للمرة 12 في تاريخه

هنأت الإعلامية سهير جودة النادي الأهلي، بتتويجه ببطولة السوبر المصري للمرة 12 في تاريخه، على حساب الزمالك، بعد اللقاء الذي جمع الفريقين بالامس على ملعب هزاع بن زايد في دولة الامارات، وانتهى اللقاء بفوز الاهلي بهدفين دون رد، مشيرة: «لازم قطبي الكرة المصرية يراجعوا نفسهم الحقيقة، ماتش امبارح لا يعبر عن الكرة المصرية ولا يعبر عن فريقين كبار، وكان لقاء عادي يمكن حتى مدخلش مرحلة المتوسط

وقالت سهير في برنامجها الذي يحمل اسم «الستات»، والمذاع عبر فضائية النهار،: «وبما اننا في قارة افريقيا فلازم نقارن مستوى فرقنا بالفرق الافريقية، والمنتخب المصري مش لازم يتقارن بمستواه في السابق، لازم المقارنة تبقى في الوقت الخالي، والفرق الافريقية بقت عاملة ازاي واحنا بقينا ازاي، احنا لية مش في كأس العالم، مستوى الكرة المصرية علية مليون علامة استفهام ومليون علامة تعجب مقارنة بالفرق الاخرى وبالطريقة الجديدة في الكورة مش بمستوانا في الكورة».

وأضافت سهير جودة في برنامجها الذي يحمل اسم «الستات» والمذاع عبر فضائية «النهار»، قائلة: «الست المشهورة دايما مهزومة دايما عكس ما الناس شيفاها، ودايما الرجل لا يثق في الست المشهورة ومبيصدقهاش، بيفتكر ان عندها كتير، ممكن يبقى في ملايين بيحبوها بس هي قلبها مع حد واحد ودي بتبقى مشكلة الراجل»

وأوضحت سهير: «الست عموما لما بيتكسر قليها يتبقى مأزومة ومهزومة، لكن الست المشهورة بتكون ازمتها وكسرتها اكتر من الست العادية عشان بتكون تحت الانظار، زي ما بنشوف شاكيرا كده في الفيديو، وان هي مش بس قلبها وجعها لأ ده كمان طلع من مكانه وبقى في جواها فراغ وهي بتحاول تحافظ عليه وبتمشي تخبط في اي حد، وحد بيديها كتف، وده دليل ان لو حد بيعلن على الملأ ممكن الناس متتعاطفش معاه»