حمو بيكا لـ هيفاء وهبي بعد التنمر عليها: انتي مزة في عنيا مهما تكبري

حرص مطرب المهرجانات الشعبية حمو بيكا، على دعم الفنانة هيفاء وهبي بعد تعرضها للتنمر في الساعات القليلة الماضية، وذلك بسبب تداول صورة لها اتخذت من زاوية مختلفة بينت تجاعيد وجهها.

تحيا مصر يرصد في ذلك التقرير رسالة حمو بيكا لـ هيفاء وهبي

حمو بيكا يدعم هيفاء وهبي

شارك حمو بيكا صورة له مع الفنانة هيفاء وهبي في إحدى حفلاتها، وعلق عليها عبر حسابه الرسمي بموقع التواصل الإجتماعي “فيسبوك”: “مهما بتكبري بتحلوي في عنيا أنا شايفك مزة”.

نجوم الفن يدعمون هيفاء وهبي

وكان قد دعم الفنان محمود المهدي طليق منة عرفة، الفنانة هيفاء وهبي، اذ كتب: كمية تنمر على شكلها من امبارح مش طبيعية كلنا هنوصل السن ده وتجاعيد وشنا هتبان وهنكبر، وفي مننا وصل لكده من الهم والتعب والمرض وأهلنا وصلوا لكده دي سنة الحياة والبنات الكتير اللي بتتنمر عليها دلوقتي هيبان على اغلبكم بدري لإنه هيكون بعضهم مش معاها تعمل عمليات تجميل، اللي بيفضل روح الشخص ياجماعة عمرها ما كانت بالشكل ودائمًا الناس اللي بتختار الشكل ومبيفرقش معاها الروح بتخسر في الأخر، بقينا بنهتم بالمظاهر ونسينا المضمون زي ناس كتير بتلبس ماركات ولبس نضيف ومن جواها ماتتعاشرش.

في حين قالت فيفي عبده في فيديو عبر حسابها الرسمي بموقع تبادل الصور والفيديوهات انستجرام: "متضايقة جدا من الكلام اللي بتقول على هيفاء، هي طول عمرها زي القمر ومن الستات الباربي، الاضاءة مكنتش كويسة، وهيا خاسة شوية  دا لوك ومن حق الفنان يعمل اللي هو عايره امال ليه فنانين عشان الناس تقليدها يجماعة، عمالين  ضجة ليه وأدي وهبي فين هيفاء، اهو ده اللي انتو فالحين فيه".

اعلاميات مصر يخرجون عن صمتهم ويدافعون عن هيفاء وهبي

وخرجت عدد من الإعلاميات في مصر، لـ يدافعوا عن هيفاء وهبي فقالت ياسمين عز: الست في الحقيقة فلقة قمر، وعندها جمال الشكل والروح والكاريزما، كلمني عن الأدب وهي بتتكلم، عن الثقة بالنفس والاحترام في ردها على الصحافة، أو كلمني عن الرزانة ولغة الجسد المظبوطة وحركتها على المسرح، وطلتها المحتشمة لكن في نفس الوقت حلوة وفيها جاذبية، هي ما شاء الله القالب غالب وجسمها لبيس، في ثوابت مينفعش نخبط فيها، منها هيفاء وهبي وجمالها، الست دي أمها مصرية سمراء جذابة روحها حلوة، وأبوها لبناني أشقر عيونه خضرا وحاجة أجنبية، الخلطة دي طلعت حاجة اسمها هيفاء وهبي.