عمر خيرت: هدفي إني أوصل مشروع الموسيقى الخالصة للنور وتفاعل الجمهور حاجة تفرح

أعرب الموسيقار عمر خيرت بـ نجاح مشروع الموسيقى الخالصة، وتفاعل الجمهور مع حفلاته وتقبلهم لـ موسيقاه، وذلك في إحدى لقاءاته التليفزيونية على هامش حفله ضمن مهرجان الموسيقى العربية.

تحيا مصر يرصد في ذلك التقرير تعليق عمر خيرت على حفله أمس

عمر خيرت: الحمد لله إن مشروع الموسيقى الخالصة نجح

قال عمر خير خلال لقائه  حواره مع الإعلامية أميرة العادلي على قناة الحياة: "الحمد لله إن مشروع الموسيقى الخالصة نجح.. ده كان هدفي ووصل للنور بالنسبة للناس.. ده الاتجاه اللي اخدته على عاتقي، كان في ناس مستغربة لأننا شعوب بتهتم بالكلمات مع الأغنية.. وده مش غلط.. الموسيقى الخالصة قالب من القوالب الموسيقية كنا نفتقر إليه لأن الاهتمام كان بالغناء.. الموسيقى الخالصة بتخاطب وجدان البشر وبتسيب الإنسان لوحده يتخيل ما يحب أن يتخيله.. ما بتحددوش بكلمة".

عمر خيرت: أي حفلة بعملها ببقى حامل الهم وتفاعل الجمهور مع الفنان حاجة تفرح

وكشف عمر خيرت عن الصعوبات التي يواجهها قبل خروجه على المسرح، فقال: "أي حفلة ببقى حامل الهم وده اللي بيخلي الفنان ينجح إنه يبقى عامل حساب للمستمعين والمشاهدين وإن دايما يبقى عند حسن ظنهم.. مبتكلمش كتير قبل الحفلات وبدعي ربنا طبعا إن الحفلة تعدي على خير، وتفاعل الجمهور حاجة تفرح.. أي فنان بيسعد بلقاء الجمهور وتقبلهم للموسيقى بتاعته، لأنه ده بيظهر قد ايه المشروع نجح".

حفل عمر خيرت بـ مهرجان الموسيقى

وكان قد بدأ عمر خيرت حفله بـ مهرجان الموسيقى العربية ضمن دورته الـ 31 الذي أحياه في مساء يوم السبت الموافق 29 من شهر أكتوبر  مصاحبة أوركسترا أوبرا القاهرة على مسرح النافورة، بـ كلمة أشاد خلالها بالمهرجان، متوجها بالشكر للقائمين عليها: "بشكر الدكتورة نيفين الكيلاني وزيرة الثقافة.. وبشكر إدارة الأوبرا والقائمين على مهرجان الموسيقى العربية على المجهود العظيم اللي بيعملوه ده كل سنة.. وبشكر الدكتور مجدي صابر رئيس الأوبرا والمايسترو ناير ناجي وأوركسترا الأوبرا، شيء يفرح إن كل الفنانين العرب بيتجمعوا في مصر وبيقدموا الفن بتاعهم هنا.. ده شيء عظيم وتحيا مصر”.