هبة عبد الغني: حسين فهمي عنده حق في فرض الدريس كود.. وبحضر فستان مفاجأة

علقت الفنانة هبة عبد الغني عن قرارات الفنان حسين فهمي بشأن الدريس كود المحدد في مهرجان القاهرة السينمائي في دورته الـ 44.

تحيا مصر يرصد لكم تعليق هبة عبد الغني عن قرارات حسين فهمي

هبة عبد الغني ورأيها في الدريس كود

وقالت هبة في تصريح لموقع تحيا مصر: الفنان حسين فهمي عنده حق مليون في الميه ولو روحتي مكان لازم تراعي اللبس المناسب ليه.

وتابعت: مهرجان القاهرة السينمائي مهرجان كبير وبيمثل مصر وعمره  أكبر من أعمار كتير مننا ويستاهل المهرجان أنه ياخد رونقه من تاني.

وأضافت: أحنا نجومنا شيك وعندهم رُقي وزوق عالي جدًا في لبسهم، ولازم الناس تبقى فاهمه أن في دريس كود معين ويلتزموا بيه.

وأستكملت: أحنا نحب أن كلنا يطلع شيك وشكلنا حلو في مهرجان القاهرة  والبنات يبقوا حابين يقلدونا في لبسنا.

وعن تحضيرها لفستان المهرجان قالت: الفستان بتاعي هيبقى مفاجاة ومش عايزه احرقها بس هتتفاجئوا.

هبة عبد الغني في دراما رمضان 2023

كما أوضحت هبة أنها ستشارك في الدرامة الرمضانيه 2023 ، وستتعاقد خلال الفترة الحالية على مسلسل جديد.

قرارات حسين فهمي

وكان الفنان حسين فهمي رئيس مهرجان القاهرة السينمائي في دورته الـ 44، قد أتخذ بعض القرارات بشأن ملابس المهرجان.

 وقال حسين أن حضور المهرجان سيتطلب ارتداء زي رسمي متعارف عليع في المهرجانات وسيكون بنظام الدريس كود، موضحًا أن جميع المهرجانات الدولية تتضمن ملابس رسمية ومهرجان القاهرة من المفترض أن يكون في الدرجة الأولى.

وتابع: فوجئت بملابس النجوم الحاضرين للمهرجان في الدورات السابقة، لقيت كل حد بيجي لابس اللي هو عايزه انا قلت لأ عيب. أنا لما بستقبل حد في بيتي بحلق دقني وبلبس هدومي. ما بستقبلوش بالبيجامة يعني. 

وأضاف: الأمر تطور بطريقة مكنتش متوقعها وانتهينا بالأمر أنه وريني يا حبيبتي الفستان طب لفي كده طيب مين عمل التسريحة واسمه ايه الكوافير.. مش ده المهرجان يعني.

وأستكمل: لازم كلنا نبقى لابسين دريس كود اللي هو بتاع كل المهرجانات الدولية، والناس هتلبس كويس وشيك وهيبان أنه مهرجان قيم جدًا.

مهرجان القاهرة السينمائي

ومن المقرر أن ينطلق مهرجان القاهرة السينمائي في دورته الـ44 بداية من 13 نوفمبر ويستمر حتى 22 نوفمبر المقبل، وتأتي هذه الدورة برئاسة الفنان حسين فهمي.