ياسمين عز: الأخت لازم تخدم أخوها بالإجبار.. ومنال عبد اللطيف ساخرة: هنستته ولا اي؟

تجادلت الفنانة منال عبد اللطيف مع الإعلامية ياسمين عز، خلال ضيافتها في برنامج كلام الناس المذاع على قناة mbc مصر، وذلك حول قضية خدمة الفتاة لـ شقيقها.

تحيا مصر يرصد في ذلك التقرير صراع ياسمين عز مع منال عبد اللطيف حول قضية خدمة الفتاة لـ شقيقها

منال عبد اللطيف: “مبدأ ان بنت تعمل لأخوها عشان ولد ده غلط”

قالت منال عبد اللطيف رأيها في تلك القضية الجدلية: “الأم اللي عندها ولد وبتربيه على فكرة انه هو ولد وراجل فليك الأحقية انك تطلب يتعملك، هو اي يعني أما يعمل الشاي لنفسه؟، أخويا بيربي عياله الاتنين زي بعض كل واحد يعمل لنفسه، لو هي تعبانة هو يساعدها لو هو تعبان هي تساعده، لكن المبدأ انه هي بنت فتعمل لأخوها الولد ده غلط”.

منال عبد اللطيف: جوزي أما يطلب مني طلب بيقولي بعد اذنك ولو سمحتي

وتابعت: “البنت تخدمه بـ رموش عنيها لكن بحب مش انك لازم تخدميها مش بفكرة انه ولد فهو يقعد يتستت وهي اللي تخدمه، اي يعني أما متقومش، المفروض ان يكون الخدمة بدافع الحب مش انني بخدمه بالإجبار بدافع انه هو ولد وانا البنت، وجوزي أما يطلب مني طلب بيقولي بعد اذنك ولو سمحتي”.

ياسمين عز: الأخت لازم تخدم أخوها إجبارا وإجلالا لقيمته كرجل في البيت

وردت عليها ياسمين عز، مخالفة لـ رأيها: “الأخ وعماد البيت من بعد الأب، المفروض الأخت من قبل ما يطلب يعملها حاجة هي المفروض تعمله،  مينفعش هو يقوم يعمل الشاي لأنه الراجل المفروض اخته تقوم على خدمته، أنا بتمنى أخويا يقولي اعمليلي كوباية قهوة بقوم أجري حبا وإجبارا وإجلالا لقيمته كرجل في البيت”.

منال عبد اللطيف عن علاقة الرجل بالمرأة: لازم يكون فيها مشاركة

وأكدت منال عبد اللطيف أن نجاح علاقة الرجل والمرأة يجب أن تبنى على الإحترام والمشاركة، فقالت: "الراجل اللي قاعد في البيت مش بيعمل حاجة فيها ايه لو نزل ودا الأطفال التمرين.. الحياة مشاركة هما اتجوزوا علشان يكون فيه بينهم مشاركة.. وهي تعبانة يسندها أو هو تعبان هي تشيله، ايه المشكلة لو الراجل ودا العيال التمارين، مش لما الراجل بيتزنق ماديا مش بيقولها معلش استحمليني وبقف جمبه؟”.