منال عبد اللطيف: لبست الحجاب بمحض إرادتي ومستحيل استبدله ببروكة في التمثيل

أكدت الفنانة منال عبد اللطيف على رفضها القاطع للظهور ببروكة في الأعمال الفنية، وذلك خلال لقائها اليوم ببرنامج “كلام الناس” مع المذيعة ياسمين عز على شاشة تلفزيون قناة “إم بي سي مصر”.

تحيا مصر يرصد تصريحات منال عبد اللطيف عن الحجاب

حيث قالت منال عبد اللطيف: “مجاليش هاجس أني أمثل ببروكة واستحالة يجيلي، لكن اتعرض عليا لحد وقت قريب، وأنا بعتبر دا تحايل على الحجاب.. أنا اتحجبت بمحض إرادتي وأنا موافقة وواخدة القرار ولو عايزة أقلع الحجاب هقلعه أنا محدش أجبرني عليه ولو عايزة أكمل تمثيل كنت كملت”.

وتابعت حديثها قائلة: “والتحايل في حد ذاته فشتى الأمور أنا بعتبره ضعف والضعف بعيد كل البعد عني لأنه أنا عايزة أعمل حاجة هعملها لكن اتحايل ليه على الحجاب”.

منال عبد اللطيف تؤكد على ضرورة المشاركة بين الزوج وزجته

وفي الحلقة ذاتها، أكدت الفنانة منال عبد اللطيف على ضرورة مشاركة الزوج لـ زوجته في طلبات أبنائهما، حيث قالت منال عبد اللطيف: “كل حالة مختلفة عن التانية.. أنا مش بتكلم عن الرجل اللي بيطلع يصحى من النوم بدري ويروح شغله ويرجع تعبان، دا كل الاحترام ليه معندوش وقت ويادوب صحته على قد عمله اللي بيقدر يفتح بيه البيت”.

وتابعت منال عبد اللطيف حديثها قائلة: “الراجل اللي قاعد في البيت مش بيعمل حاجة فيها ايه لو نزل ودا الأطفال التمرين.. الحياة مشاركة هما اتجوزوا علشان يكون فيه بينهم مشاركة.. وهي تعبانة يسندها أو هو تعبان هي تشيله”.

وأضافت: “ايه المشكلة لو الراجل ودا العيال التمارين، مش لما الراجل بيتزنق ماديا مش بيقولها معلش استحمليني وبقف جمبه؟”.

إصابة منال عبد اللطيف بفيروس كورونا

ومن الجدير بالذكر أن الفنانة منال عبد اللطيف قد أعلنت في شهر يناير الماضي عبر صفحتها الرسمية على تطبيق فيسبوك عن إصابتها بفيروس كورونا قائلة: ”قدر الله وماشاء فعل إيجابي كورونا الحمدلله دعواتكم”.

أبرز أعمال منال عبد اللطيف

مسلسلات منها: ”كيد النسا (ج1، 2):2011، 2012، بيت العيلة (ج2):2010-ضيف شرف، طوق نجاة:2010-سمية، فستان فرح:2009، يوميات ونيس (ج6، 7):2009، 2010-حسنية، الهروب من الغرب:2009-سندس،مسك الليل:2008، قمر:2008، بنات في الثلاثين:2008، وعادت القلوب:2008، أغلى الناس:2008، بلاغ للرأي العام:2007”.