درة: مواقف كتير عدت عليا كنت محتاجة فيها والدي وبفكر كتير في اعتزال الفن

تحدثت الفنانة درة عن شدة اشتياقها لـ والدها الراحل، مشيرة إلى أنها تمنت أن يكون موجود معها في أهم يوم لها في حياتها وو يوم عرسها.

تحيا مصر يرصد في ذلك التقرير تصريحات درة في برنامج حبر سري

درة: مواقف كتير كنت محتاجة فيها بابا وبيوحشني

وقالت درة خلال استضافتها في برنامج حبر سري، المذاع على قناة القاهرة والناس وتقدمه الإعلامية أسما ابراهيم: “مواقف كتير جدا كنت محتاجة فيها والدي، زي ما جيت أتجوز مثلا مكنتش متخيلة اني هبقى عروسة وهو مش موجود، الأب هو الضهر والسند حتى لو موجود بعيد، أنا بحتاجة كتير أوي وبيوحشني”.

درة: في أوقات كتير بفكر فيها في الاعتزال بسبب الشهرة

وكشفت درة عن نيتها في الإعتزال وتفكيرها المستمر فيه، فقالت: “في أوقات الشهرة والضغط النفسي بتاع الشغلانة بتخليني أقول عايزة سلام نفسي وأعيش في هدوء وأفكر في الاعتزال، وأسوأ حاجة ممكن الفنان يتعرضلها هي الشهرة، والفن شغلانة شاقة مش سهلة ومش بشتكي لكن من حق اي حد يجيله وقت ويبعد”.

وأضافت: “عندي حاجات كتير لسة محققتهاش وحقي كممثلة لسة مخدتوش في حاجات عايزة أعملها”.

عمرو محمود ياسين يشيد بـ درة

من ناحية أخرى، أشاد السيناريت عمرو محمود ياسين بالفنانة درة، وبدورها في مسلسل “المتهمة”، الذي يذاع على إحدى المنصات الإلكترونية، اذ كتب عبر صفحته الرسمية بموقع التدوينات القصيرة “تويتر”: “درة للمره المليون بترمي لبسها الشيك والميكاب الحلو وبتتفرغ لأداء الشخصية وتقديمها بشكل احترافي مش جديد عليها زي ماعملت ده قبل كده في كتير أدوار بتكون فيه الشخصية بعيده عن شخصية دره الحقيقية  وهو الأمر الذي يؤكد على موهبتها كفنانة بشوفها من أهم فنانات جيلها”.

وتابع: درة في المتهمة تقدم مجهود كبير وتركيز عالي بكل شوت بما يليق بموهبتها وخبرتها و زي ما قلت ده مش جديد عليها ودايما بصدقها في الأدوار الأصعب زي دورها بالعار. و سجن النسا و معايا شخصيا في نصيبي وقسمتك حكاية "حبيبة أمها" و "كان في وخلص" والشارع اللي ورانا و فيلم تصبح ع خير. و فيلم بابا .. وغيرهم.