سماح أنور تدعم شيرين عبد الوهاب: اسمعي صوتك في وسط الوجع والألم بيقولك هتقومي

حرصت الفنانة سماح أنور على دعم الفنانة شيرين عبد الوهاب بعد أزمتها الأخيرة واحتجازها في أحدى مستشفيات الأمراض العقلية والنفسية.

تحيا مصر يرصد لكم دعم سماح أنور للفنانة شيرين عبد الوهاب
ونشرت سماح عبر حسابها موقع التواصل الاجتماعي فيسبوك: عايزة اعرفك على انسانة بتعشق انك اتولدتي.. اكتر واحدة فرحت بيكي وعندها كمية كلام و احلام و الهام مش حاتصدقيها و حاتعوزي مليون عمر على عمرك علشان تكفيها.
وتابعت: عايزاكي مش بس تقابليها لا نفسي كمان انك تعينيها.. الانسانة الوحيدة اللي طول عمرها في ضهرك هي اللي بتسندك في البكا و في الفرح في النصرة و في الانكسار..في الصحة و في المرض.. في النجاح و حتى الفشل.
وأضافت: ماتنسيهاش و ما تهينيهاش ثقي فيها حني عليها اسمعي بكاها و خديها في حضنك و حافظي قوي …قوي عليها.

سماح أنور لشيرين: هتقومي

واستكملت: دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا دي الوحيدة اللي عمرها ماسابتك و لا خذلتك اسمها شيرين عبد الوهاب برضه خللي بالك عليها.
واستطرت: اسمعي كده في وسط كل الالم و الزعيق و الدوشة صوتها الهادي الواطي البسيط بيقولك كلمة واحدة
صداها في قلوبنا ..اسمعي كده…قالت ايه؟ "حاتقومي"‏.

أزمة شيرين عبد الوهاب

ومازالت أزمة الفنانة شيرين تتصدر مواقع التواصل الاحتماعي ومحركات البحث عبر السوشيال ميديا، وذلك بعدما أعلنت والدتها أن شيرين كانت تتعاطى المخدرات وتم احتجازها في إحدى المنستشفيات للأمراض النفسية والعقلية.

تصريحات والدة شيرين عبد الوهاب

وقالت والدة شيرين في تصريحات عبر برنامج الحكاية الذي يُقدمه الإعلامي عمرو أديب عبر قناة أم بي سي مصر: طردت حسام حبيب من بيتي وهو شر وبنتي بقالها 3 أيام بتشرب وطردتني أنا وأختها من البيت.
وتابعت: "كان هناك خلافات سابقة بيني وبين حسام حبيب، وعلاقتي ببنتي كانت كويسة جدًا، ولكنه أول ما جه طردتني أنا اللي اترجيت ابني عشان مش مآمنة عليها وحسام حبيب قالي هتجوزها قولتله لما تشوف حلمة ودنك".
واختتمت: بطلب من ربنا تحموا شيرين من حسام حبيب والمنتجة سارة الطباخ.