درة عن إتهامات طغيان جمالها على موهبتها: ظلم.. ومطلعتش بـ ميك اب في أدوار كتير

تحدثت الفنانة درة عن الأقاويل بشأن طغيان جمالها على موهبتها، خلال حوارها ببرنامج حبر سري الموسم الثالث، وعبرت عن استيائها الشديد من مثل هذه الإتهامات.

تحيا مصر يرصد لكم حديث درة عن إتهامات طغيان جمالها على موهبتها

درة: اتواجدت في الفن لما مثلت

وقالت درة: انا اتواجدت في الفن لما مثلت، وبدأت أول حاجة كان اوديشن مع يوسف شاهين، وانا لو قدام الكاميرا ماليش فيها مش هيجبني، واشتغلت مع وحيد حامد في الأولة في الغرام وهو اللي رشحني، وكان دور بنت شعبية مع اني مبقاليش كتير نازلة مصر، وأنا مبعرفش اتكلم عن نفسي وبحس إن الكلام ده في ظلم، لأنهم بيصنفوا إن الممثلة دي جميلة يبقى مش بتمثل حلو، وزمان في أفلام أبيض وأسود كلهم شكلهم حلو، وأنا بحب الإطلالات الحلوة في المهرجانات لكن في أدواري مبعتمدش على ده.

درة: مطلعتش بـ ميك اب في سجن النسا.. وفي جدران كنت لابسة حاجة واحدة طول الفيلم 

وتابعت درة: ومشاهدي في سجن النسا طلعت بـ ميك اب، وفيلم جدران لابسة لبس واحد طول الفيلم، وفيلم الكاهن كان في بهدلة واكشن، لكن هما عايزين يربطوا ده بحاجات محفوظة واعتمدوا ان ده حاجة مسلم بيها، والسوشيال ميديا من اسوء الحاجات اللي حصلت في زماننا وانا بشوف ناس كتير بتحبني، وهما دول اللي بيقولولي بنحبك، وانا لو مكنتش كده مكنش حد هيحفظ ادواري.

درة: الأولة في الغرام وش السعد عليا.. وبقيت اترعب من الصحافة

وأضافت درة: اكتر دور كان وش السعد عليا اللي هو الأولة في الغرام، مع هاني سلامة وبحب اشتغل معاه، وعملت معاه بين السما والأرض ونصيبي وقسمتك وبنعرف نشتغل مع بعض، ومسلسل العار قدمني للبيوت، وابويا الله يرحمه كان بيحبه، وأول مسلسل عملته في تونس اسمه حسبات وعقبات، والتونسي لغة حلوة وبنحاول نوصله للناس من خلالنا.. وبعدين سجن النسا وكذا حاجة تاني.

واختتمت درة كلامها: انا بقيت اترعب من البرامج والصحافة إن ميوصلوش كلامي صح، وانا عارفة ان بعد الحلقة هياخدوا كلمتين مانشيت.