درة عن تصريحات حورية فرغلي بتعدمها عدم وضع اسمها على فيلم "مصور قتيل": معنديش السلطة دي.. وربنا يوفقها

كشفت الفنانة درة حقيقة تصريح حورية فرغلي، بتعمدها عدم وضع اسمها على افيش فيلم “مصور قتيل” وذلك خلال لقائها ببرنامج حبر سري الموسم الثالث.

تحيا مصر يرصد لكم كشف درة حقيقة تصريح حورية فرغلي 

درة وحورية فرغلي 

وقال درة: لا طبعًا، ربنا يوفقها وربنا يشفيها، والفيلم من زمان ودي مش حقيقة ولا تمت للحقيقة بصلة، وأنا معنديش السلطة دي، وحتى لما بعمل حاجات ببطولات مطلقة عمري ما عملت كده، وعندي أعمال كتير ونسائية زي سجن النسا، ومعنديش خلافات مع حد.

درة وكاملة أبو زكري

وتابعت درة كاشفة حقيقة وجود خلاف بينها وبين المخرجة كاملة أبو زكري: ونفسي اشتغل تاني مع كاملة أبو زكري وهي من احسن المخرجات واستمتعت بالشغل معاها، وبحب دوري فيه وبحسه مسلسل مهم، وهيفضل.. ولو كاملة عرضت عليا دور هوافق، وبثق فيها، وانا وهي حبايب جدًا وباركتلها على مسلسل بطلوع الروح، وهي قالتلي إنها لاقيتني على المستوى الشخصي والإنساني كويسة.

وعن تفضيلها لمخرج معين في العمل، قالت: في مخرجين كتير شاطرين، واتمنى كاملة أبو زكري، وبحب المخرجات الستات، ونفسي أشتغل مع ساندرا نشأت وشيرين عادل اشتغلت معاها حاجات كتير زي مسلسل العار والريان ودول اللي عملوا دُرة.

واختتمت درة كلامها: واخر عمل ليا المتهمة إخراج كامل غازي، كانت أول تجربة ليه وكان رائع.

درة سعيدة بمشاركتها في مسلسل المتهمة

وكانت أعربت درة عن سعادتها بردود فعل الجمهور عن مسلسل المتهمة في تصريحات سابقة لها، فقالت: “ردود الفعل جميلة ورائعة وفرحتني، على قد ما كنت خايفة على قد ما اتطمنت بسببها”.

وأضافت خلال حلولها ضيفة على برنامج “الحكاية”، الذي يقدمه الإعلامي عمرو أديب على mbc  مصر:  “الحاجات اللي شدتني في الدور إن فيه تحدي بالنسبالي وحاجة مختلفة بعملها ومتعبة بس فيها متعة وبغير جلدي فيها ولسة فيه حاجات صعبة جاية”.

وتابعت: المسلسل كان تحدي بالنبسالي أنا طالعة طول الوقت من غير ميكب يامتعورة يا من المستشفى يا باخد لبس من حد، معدا فلاش باك للأسرة وحياتها معاهم ودي بكون فيها في الحالة الطبيعية".