عز شهوان عن زفافه على جيلان علاء: حسيت إني في الجيم.. وكنت شنطة

كشف الثنائي جيلان علاء وعز شهوان تفاصيل زفافهم، والتحضيرات خلال لقائهم ببرنامج “معكم منى الشاذلي” المذاع عبر شاقة قناة سي بي سي.

تحيا مصر يرصد لكم تصريحات جيلان علاء وعز شهوان عن تحضيرات زفافهم

عز شهوان عن زفافه على جيلان علاء: حسيت إني في الجيم

وقال عز شهوان: كنت حاسس إن كنا في الجيم، وجيلان عملت كل حاجة، وانا كنت شنطة في الفرح.

جيلان علاء: كنت عايزة اعمل سيخ شاورما في الفرح

وتابعت جيلان علاء: انا بحب التنظيم وجيت في الايفنت ده وقولتلهم أنا مش عايزة ابقى تقليدية وقولت بلاش كعب وبلاش بيبرق ونرقص ونتبسط في أوبن اير، وكان نفسي يبقى عندي فقرات لطيفة، وكنت عايزة اعمل سيخ شاورما وايس كريم، وحضر الفرح مصطفى قمر ودينا أنا بحبها وهي لذيذة جدا 

وأضافت جيلان: وانا شحرت بس مكنتش حاسه بالتعب، وحسيت باحساس فوزية رأفت وقلعت الجزمة.

بداية قصة حب جيلان علاء وعز شهوان 

وقد حكى عز شهوان بداية قصة حبه مع جيلان علاء، التي بدأت بعد حلقتهم السنة الماضية مع منى الشاذلي، وقال: يوم ما مشينا هنا بالليل وصلتها وقولتلها “بحبك” واحنا في العربية تحت بيتي واللي حصل أحنا وقاعدين حصل كهربا، الساعة 1 بالليل يوم التصوير، وفضلت طول الطريق أقول هقولها النهارده ولا بكره!

وتابع عز شهوان: أنا زي أي راجل ساذج قولتلها بحبك، فـ هي قالتلي لا، عشان مكنتش عايزة تتجوز.

جيلان علاء عن سبب رفضها الزواج من عز شهوان سابقًا

وقالت جيلان علاء عن سبب رفضها الزواج من عز شهوان بعدما صرح لها بحبه: أنا رفضي كان بسبب خوفي من الجواز، وتجاربي مكنتش ألطف حاجة، وبالنسبالي مفيش راجل يقول لواحدة هتجوزك، وقولت أكيد كداب والموضوع مش هينتهي نهاية سعيدة، عشان عدى 34 سنة وعديت بحاجات مأساوية واللي جالي في الدوغري مصدقتوش.

وأردفت جيلان: بعد مانا وافقت قالي اهلك ناس طيبين، واهلي بيحبوكي اكيد في حاجة هتحصل.

وحكت جيلان موقف سابق لهم، قائلة: واحدة صحبتي كانت بتهزر معايا لما الحلقة اتعرضت وبتقولي هو مرتبط؟ راح قالها لا، قولتله لا!!!