الضاحك الباكي ليس الأول.. انتقادات عبير الشرقاوي للأعمال الفنية يضعها في ورطة

تواصل الفنانة المعتزلة عبير الشرقاوي، ابنة المخرج الراحل جلال الشرقاوي اثارة الجدل بتصريحاتها المختلف عن الأعمال الفنية، اذ تتعمد في الفترة الأخيرة من توجيه انتقادات لاذعة لأي عمل درامي ناجح، ويرصد تحيا مصر في ذلك التقرير أهم تلك الأعمال في ذلك التقرير.

عبير الشرقاوي وأزمتها مع مسلسل بطلوع الروح

خرجت عبير الشرقاوي بعد عرض أولى حلقات مسلسل بطلوع الروح لـ تهاجم المسلسل، وذلك خلال منشور كتبته عبر حسابها الرسمب بوقع التواصل الإجتماعي “فيسبوك”، كتبت فيه: "“أسرة مسلسل الهبل بطلوع الروح.. التناول غبي مش معقولة نطلع الناس بتوع داعش خاينين وبيرتشوا وبيشربوا خمرة.. دول ناس بيعتبروا نفسهم مجاهدين في سبيل الله، ومستعدين للموت في أي لحظة".

وتابعت: "إحنا عارفين إنهم على باطل آه، بس هما مش عارفين هما بيعتبروا نفسهم المسلم الحق، وأي حد جانبهم مسلم ناقص فمش معقولة نطلعهم بيشربوا خمرة إيه الهبل ده، بقى معقولة البطل إللي بيعتبر نفسه مجاهد عنده غزوة تاني يوم، وممكن يتقتل وهو عارف كده يروح يجيب خمرة ويشرب هو ومراته.. أرحمونا يا هبل.. خسارة الفلوس والله".

إلهام شاهين ترد على عبير الشرقاوي

وخرجت الهام شاهين للرد على عبير الشرقاوي في ذلك الوقت وذلك من خلال تصريح خاص لـ موقع تحيا مصر، قالت فيه: “احنا عاملين المسلسل مخصوص للعقول اللي زي دي اللي فاهمين ان داعش يعني الاسلام، فمقصود انهم يفهموا من خلال المسلسل ان داعش مش هو الاسلام الحقيقة، بدليل انهم عندهم خيانة وتحرش بيتميزوا بالعنف وكل تفكيرهم بالجنس وبيشربوا خمرة، يعني هما مش مقتنعين باللي بيعملوه دينيا، المسلسل مفهوش هبل، اللي بتتكلم الكلام ده هي اللي دماغها فيها هبل، لانها فاهمة ان داعش هو اللي الاسلام مع الأسف والحمدلله اننا عملنا المسلسل ده عشان نفهم العقول اللي مش فاهمة”.

عبير الشرقاوي ومسلسل فاتن أمل حربي

هاجمت عبير الشرقاوي مسلسل فاتن أمل حربي، فكتبت: للأسف بسحب إعجابي من مسلسل أمل فاتن حربي، إحنا ممكن نقبل الطعن في حديث حتى لو كان في البخاري ومسلم، ممكن نقبل الطعن في رأي الأئمة ونختلف معهم ونغلطهم معنديش مشكلة في ده، إنما مش ممكن أبدا نعترض على أوامر صريحة في القرآن،  يعني لما ربنا يقول في القرآن إن الستات ممكن ينسوا أكثر من الرجالة، وده واقع تعلمه النساء، في الشهادة نستعين برجلين أو رجل وامرأتين بسبب أن المرأة ممكن تنسى وده ليس انتقاصا من المرأة في أمانتها وشرفها، إنما لطيبة خلقتها وضعف ذاكرتها بسبب المشاعر الفياضة التي تتحلى بها الأنثى"، لكن في ذلك الوقت لم يخرج أحد ليرد على تصريحاتها عن العمل.

عبير الشرقاوي ومسلسل الضاحك الباكي

وانتقدت عبير الشرقاوي مؤخرا، مسلسل الضاحك الباكي من خلال حسابها الرسمي بموقع التواصل الإجتماعي “فيسبوك”، اذ كتبت: "محمد فاضل يستهزئ بالجمهور.. مطلع فردوس عبد الحميد السبعينية أم لطفل رضيع".

لكن خرج محمد الغيظي لـ يرد عليها، فقال: “إحنا بننجح إننا نفشل الناجح ، إحنا طلع روحنا في تحضيرات المسلسل سنتين ، وييجي شوية عيال على السوشيال ميديا يشككوا في الكتابة، ومين عبير الشرقاوي دي عشان تنتقد عمل فني وتصفنا بالرمم على صفحتها بالفيسبوك،  الشخصية  دي والدها المخرج الكبير جلال الشرقاوي تبرأ منها قدامي في مكتبه، وبرفض اني ارد عليها”.