عمرو محمود ياسين عن كلمات ادرينالين لـ حماقي: "رومانسية 2022 غير"

علق السيناريست عمرو محمود ياسين على أغنية “ادرينالين” للفنان محمد حماقي، بسبب كلمتها بطريقة طريفة، وذلك عبر حسابه بانستجرام.

تحيا مصر يرصد لكم تعليق عمرو محمود ياسين على كلمات أغنية “ادرينالين” 

عمرو محمود ياسين عن أغنية ادرينالين لـ حماقي 

ونشر عمرو محمود ياسين مقطع فيديو له في السيارة وهو يستمع لأغنية “ادرينالين” وعلق: تخيلوا يا جدعان شاعر زمان راح للعندليب قاله أغنية فيها كونتاكت وشرايين وادينالين.. رومانسية 2022 غيريا حليم.. هنجت اتبنجت 😂.

ويذكر أن تصدر محمد حماقي تريند يوتيوب، بأحدث أغانيه “أدرينالين” بعد طرحها بـ 5 أيام فقط.

أغنية “ادرينالين” لـ حماقي

وحققت الأغنية أكثر من 4 مليون مشاهدة بعد طرحها بفترة قصيرة، ، والعمل من كلمات و ألحان عزيز الشافعي، وتوزيع وميكس تميم.

كلمات أغنية “ادرنالين”

وجاءت كلمات أغنية أدرينالين كالتالي:

لمست ايدي عملت كونتاكت 
الكهربا مسكت في الشرايين 
زودت الأدرينالين .. قلبي وعيني مش قادرين
مشت قلبي على الخط 
ماراحش شمال وماشافش يمين 
انا هنجت اتبنجت اتمزجت انا معمولي كمين
الله عالبسمه البسمه 
والعود والرسمه الرسمه 
جايه في وقتها والله 
ماهي جت في اللحظه الحاسمه 
الله عالخفه الخفه 
والعود واللفه اللفه 
جايه في وقتها والله 
ماهي جت من بعد اللهفه

youtube
ثانيه واحده بس نفهم 
الجمال ده مش بيرحم 
الجمال ده ناره قايده 
كل نظره متعه زايده 
ثانيه واحده بس ندرس 
الجمال ده يهري يفرس 
الجمال ده ناره والعه 
من الدلع و من الملاوعه 
لحظه واحده بس هدّوا 
الجمال ده مين اللي قده 
الجمال ده ناره جنه 
معذورين لو اتفتننا 
لحظه واحده لحظه واحده 
لا بجد احلى واحده 
في الطعامه زايده حته 
حتتين تلاته سته

حفل حماقي بالساحل الشمالي

وكان قد أحيا حماقي خلال الأيام الماضية حفلًا غنائيًا في الساحل الشمالي، وحضر الحفل المطرب الكبير أحمد سعد، الذي أضاف له بعض البهجة والكوميديا، خاصة بعدما رقص مع حماقي على تحدى أغنيته الشهرة “سايرينا يا دنيا” وتبادل أحمد سعد ومحمد حماقي الإشادات اذ قال الأخير عنه: عايز أسمع صقفة جامد لأخويا وحبيبي وصديقي الفنان العزيز أحمد سعد، شجوه جامد وهو صديق الكفاح من زمان أوي أوي وبعتبره من الأصوات النادرة وحاجة نفتخر بيها وعايز اسمعله صقفة كبيرة وابسطنا، ليرد عليه أحمد سعد، قائلا: عايز أقول إن أنا بحبه ومش ممكن أروح أحضر حفلة غير لحفلة حماقي بس في الكوكب لأني بتبسط حبيب قلبي.