طليق منة عرفة عن استغلال عامل النظافة: “مش لازم نصور كل حاجة.. وساعدوهم بس”

دعم الفنان الشاب محمود المهدي طليق منة عرفة، تعليق الرابر ويجز على استغلال عامل النظافة الذي طرده طاقم عمل كشري التحرير، وذلك عبر حسابه الرسمي بانستجرام.

تحيا مصر يرصد لكم دعم محمود المهدي تعليق ويجز على استغلال عامل النظافة

محمود المهدي: مش لازم نصور كل حاجة 

وشارك محمود المهدي طليق منة عرفة تعليق ويجز عبر خاصية ستوري بحسابه بانستجرام، وعلق: كتير فعلًا طالعين بيقولوا وصلني لعامل النظافة اللي طلعوه من محل الكشري بتاع التحرير علشان لبسه.. كويس إننا نجبر خاطرك مش لازم نصور كل حاجة وفيديوهات وناس كتير استغلت الموضوع ده.

وتابع محمود المهدي: في كتير زيه كل يوم بيحصل فيهم كده حضرتك كل واحد فيكو يقدر ينزل الصبح تحت بيته أو شركته هيلاقي عمال نظافة كتير شغالين في الشوارع وأنت بتعدي عليهم كل يوم ومش بتاخدوا بالكم منهم تقدر تعمل وجبات وتديهالهم أو تقدر تساعدهم باللي تقدر عليه بدل ما تصوروهم وانتوا بتعملوا الخير.

رسالة محمود المهدي للمقبلين على الزواج

وقد حرص محمود المهدي، طليق الفنانة الشابة منة عرفة، على توجيه رسالة للشباب المقبلين على الجواز، وذلك من خلال حسابه الرسمي بموقع تبادل الصور والفيديوهات انستجرام.

كتب محمود المهدي عبر خاصية “ستوري”، بموقع انستجرام: “مش هقولكم الجواز وحش بالعكس حلو ودي سنة الحياة، بس لو هتتجوز في الزمن ده اتجوز وانت في سن صغير عشان هتجري كتير في المحاكم”.

محمود المهدي بين الدعم والهجوم على ياسمين عز

جدير بالذكر، أن الفنان محمود المهدي يتفاعل دائم مع تصريحات ياسمين عز عن الرجال، فسبق ونشر تصريحها، وعلق عليها: “ والله رجعتي بصيص من الأمل للرجالة، بس دائمًا بيكون كلام البدايات بمبي وبعد كده عينك ماتشوف إلا النو”.

وتابع محمود المهدي في تصريح أخر، قائلا: "أظن ياسمين عز لو اتجوزت شخص زي عريس الإسماعيلية ده هتغير فكرة إن حماتها يكون معاها مفتاح البيت، أنا مع بعض تصريحاتها وضد بعضها، أنا مش مع كل كلامها بس وحتي لو عايزة عريس ولو عايزة تركب الترند علي الأقل في كلام بتقولة يعمر البيوت مش يقلب كيان البيت ويحرض الزوجة علي عيشتها.

وتابع: هي مشيت بمبدأ تقل خيرًا أو تصمت.. فقالت خيرًا فياريت أنتي تصمتي مش أحسن من اللي بيركب الترند بكلام يشجع لخراب أسرة كاملة، لما حد بيركب التريند عشان بيقول كلام يساعد البيوت تعمر لازم نهاجم  بقينا بنشجع أي حاجه بتساعد تخرب العادات والتقاليد الشرقية