طليق منة عرفة للشباب: لو هتتجوز اتجوز صغير عشان هتجري كتير في المحاكم

حرص الفنان محمود المهدي، طليق الفنانة الشابة منة عرفة، على توجيه رسالة للشباب المقبلين على الجواز، وذلك من خلال حسابه الرسمي بموقع تبادل الصور والفيديوهات انستجرام.

تحيا مصر يرصد في ذلك التقرير رسالة محمود المهدي للشباب

رسالة محمود المهدي للمقبلين على الزواج

كتب محمود المهدي عبر خاصية “ستوري”، بموقع انستجرام: “مش هقولكم الجواز وحش بالعكس حلو ودي سنة الحياة، بس لو هتتجوز في الزمن ده اتجوز وانت في سن صغير عشان هتجري كتير في المحاكم”.

محمود المهدي بين الدعم والهجوم على ياسمين عز

جدير بالذكر، أن الفنان محمود المهدي يتفاعل دائم مع تصريحات ياسمين عز عن الرجال، فسبق ونشر تصريحها، وعلق عليها: “ والله رجعتي بصيص من الأمل للرجالة، بس دائمًا بيكون كلام البدايات بمبي وبعد كده عينك ماتشوف إلا النو”.

وتابع محمود المهدي في تصريح أخر، قائلا: "أظن ياسمين عز لو اتجوزت شخص زي عريس الإسماعيلية ده هتغير فكرة إن حماتها يكون معاها مفتاح البيت، أنا مع بعض تصريحاتها وضد بعضها، أنا مش مع كل كلامها بس وحتي لو عايزة عريس ولو عايزة تركب الترند علي الأقل في كلام بتقولة يعمر البيوت مش يقلب كيان البيت ويحرض الزوجة علي عيشتها.

وتابع: هي مشيت بمبدأ تقل خيرًا أو تصمت.. فقالت خيرًا فياريت أنتي تصمتي مش أحسن من اللي بيركب الترند بكلام يشجع لخراب أسرة كاملة، لما حد بيركب التريند عشان بيقول كلام يساعد البيوت تعمر لازم نهاجم  بقينا بنشجع أي حاجه بتساعد تخرب العادات والتقاليد الشرقية.

نصائح محمود المهدي للسيدات

جدير بالذكر، أنه وجه محمود المهدي مجموعة نصائح للسيدات، قال فيها: ابعدي عن اي كلام بيحاول يهدم بيتك، متسمعيش كلام الاعلاميين أو السوشيال ميديا أو صحابك المنفسنيين، الراجل مفتاحه سهل عمره ما يجي بالعندـ الراجل بيحب الست مثقفة مش متفتحة شيك في لبسها ويعتمد عليها وتناقشه مش تجادله، متحطيش نفسك معاه في مقارنة انك زيه، احتويه بحيائك وأدبك ورقتك وكسوفك وصوتك الواطي، السبب الرئيس لفشل علاقات الزواج في جيلنا الحالي إن الست عايزة تكون راجل، السبب الرئيسي لنجاح العلاقات زمان الست كانت أنثي وبتعامل الراجل على إنه راجل".