حلمي بكر يفجرها: شيرين بتتعاطى المخدرات من قبل ارتباطها بحسام حبيب

كشف الموسيقار حلمي بكر عن تعاطي الفنانة شيرين عبد الوهاب للمواد المخدرة وذلك من قبل ارتباطها بالفنان حسام حبيب.

تحيا مصر يرصد تصريحات حلمي بكر عن تعاطي شيرين للمخدرات. 

حلمي بكر وتعاطي شيرين للمخدرات 

وقال الفنان حلمي بكر خلال لقائه مع الإعلامية مروة صبري في برنامج قعدة ستات: التعاطي يفقد الإنسان أعصابه وتجعل المقام يهتز وفي كذا حفلة بلاقي المقامات عند شيرين تهتز، وشيرين عبد الوهاب في يوم من الأيام كانت عظيمة وكانت هتبقى أعظم لكن دلوقتي اختلفت والفترات اللي كانت فيها عظيمها أيام ماطلعت مع تامر حسني وفي البداية ولما كبرت وغنت في حفلات وحبها العالم العربي كله زي ما أحنا حبناها لكن في الفترة الأخيرة هي خارج التون.

وتابع: وشيرين تتعاطى المخدرات قبل ارتباطها بحسام حبيب وأنا بحب شيرين عبد الوهاب جدا ولما حبوا يكرموا شيرين في الأوبرا أنا اللي طلعت على المسرح واديتها الدرع بنفسي وده حب ولما تحب إنسان خليه يعيط ولو قال أي يبقى بيفضحك انتي وبيتهمك انك بتأذيه ولو امتص الألم وأنا بقرصه لمصلحته وابتسم وبص في وشك هتزداد محبة. 

تصريحات حسام حبيب عن شيرين

وكان كشف حسام حبيب عن مفاجأة جديدة حدثت مع شيرين داخل المستشفى خلال هذه الفترة وهى أن شيرين حاولت الانتحار داخل المستشفى، «وده بسبب اللي عملوه فيها، بعد أخذها بالشكل العنيف للعلاج وضربها وتوجيه أقذر الشتائم لها».

وأضاف «حبيب» خلال مداخلة هاتفية مع الإعلامى عمرو أديب ببرنامج الحكاية المذاع عبر فضائية «ام بى سى مصر»، أنه حاول الاطمئنان على شيرين من خلال شخص داخل المستشفى، وهذا الشخص أكد له أن شيرين رافضة الأكل منذ 3 أيام، وهناك علامات ضرب كثيرة على جسدها.

وصرح حسام حبيب، عن تفاصيل جديدة في واقعه شيرين عبدالوهاب أثناء أخدها إلى المستشفى، قائلًا: «الليلة اللي كانوا جايين ياخدوا فيها شيرين علشان يدخلوها المستشفى واحد كان شايل مطوى (سلاح أبيض)، إزاي جايين ياخدوها يعالجوها؟!».

واضاف، «أنا شوفت شيرين بتتسحل على الأرض واترمت في عربية ومشيوا بيها، وشتموها بأقذر الشتايم، وكانت بتنده وتصوت علشان أنجدها، ولكن مفيش أي تفاهم».

وتابع: «أنا اتضربت ووقعت على دماغي واتكتفت علشان حاولت أمنعهم إنهم ياخدوها، ومعملتش محضر علشان مأذيهاش، والمنظر اللي أنا شوفته واللي اتعمل فيها أكيد هيسبب ليها أذى باقي حياتها».