اتفتح عليها مطوة.. حسام حبيب يروي تفاصيل التعدي على شيرين من قبل شقيقها

كشف الفنان حسام حبيب عن تفاصيل الليلة التي تسببت في أزمة كبيرة للفنانة شيرين عبد الوهاب، وذلك خلال مداخلة هاتفية مع الإعلامي عمرو أديب ببرنامج الحكاية.

تحيا مصر

حسام حبيب: شوفت شيرين عبد الوهاب بتسحب من شعرها

قال حسام حبيب خلال البرنامج: “أخو شيرين عبد الوهاب مكنش بيكلمها، أنا لقيت فجأة ناس داخلة علينا بمطاوي، وأول مرة أشوف دكاترة معاهم مطاوي، واكتشفت انه كان جايب صحابه، شوفتها وهي بتتسحب في شعرها ونازلة حافية ببجامة، وبتجري بالعربية وبتقولي الحقني".

وتابع حسام حبيب حديثه، قائلا: "كان تلت تربع الكلام شتايم وتهديد، وكانت بتقعد تقوله انا أخت اللي عالجت تعمل فيا كدة، أنا اللي ربيتك وكبرت، وكانت بتقولي الحقني، وأنا اتضربت وايدي مشروخة، وكنت هرفع عليهم محضر بس خوفت من الفضيحة".

حسام حبيب: اتضربت وأخدوا تليفوني والموضوع كانت مترتب

واستكمل: “نص ساعة قتال، وأخدوا تليفوناتنا، وكانوا ناس داخلين عارفين هما بيعملوا اي، وشوفت منظر عمري ما هعرف أنساه طول حياتي، وأنا بقى عندي عقدة، مش شيرين عبد الوهاب اللي يتعمل فيها كدة، وفي واحدة هي اللي كانت عارفة اني جوة وهي اللي أخدت من شيرين المفتاح والموضوع كان مرتب”.

ازمة شيرين عبد الوهاب

هذا وبدأت أزمة شيرين عبد الوهاب بـ الإعلان عن إصابتها بكسر في الرباط الصليبي ونقلها للمستشفى، بعدها بيوم انتشرت أنباء بتعرضها للضرب والسحل على يد شقيقها محمد عبد الوهاب، الذي أجبرها على الدخول لمستشفى الأمراض النفسية.

خرج شقيق شيرين لـ يبرأ  نفسه من التهم الموجهة ضده، فقال أن شقيقته تعاني الإدمان وكانت تتعاطى المخدرات رفقة طليقها حسام حبيب، لذا قام بأخذها للمستشفى، وساعد حسام حبيب على ذلك سارة الطباخ مديرة أعمالها سابقا.

وبرأت سارة الطباخ، مديرة أعمال الفنانة شيرين عبد الوهاب سابقا، نفسها هي الأخرى من أزمة الفنانة الأخيرة، فقالت خلال مداخلة هاتفية مع الإعلامي عمرو أديب لـ برنامج الحكاية: " تم الزج باسمي بدون مبرر أنا كنت خايفة على شيرين وعايزة أطمن عليها، بعد ماحسام حبيب  اتصل بيا وقالي ان شيرين عبد الوهاب اتعرضت للضرب من أخوها وانها مختفية من يوم الخميس ومحتجزها عنوة في المستشفى، دخلت ياسر قنطوش عشان هو المحامي بتاعي وبتاع شيرين عبد الوهاب وحسام حبيب حاول كتير يوصل لناس كتير يساعدوها  لكن معرفش والسبب انه يلجألي انه عارف اني عارفة ياسر قنطوش".

وتابعت: "حاولت أتواصل معاها بس مدبرة المنزل قالت إنها مسافرة، ومعرفتش اتواصل مع أخوها عشان مش معايا رقمه الجديد، محمد عبد الوهاب لو كان شايف انه بيعمل حاجة صح لـ شيرين كان كلمني، لكن هو ساعد إنه يشوه صورة شيرين قدام الناس أكتر”.