صبري فواز لـ هيثم سعيد: شكرًا على التوضيح وخلاص الموضوع انتهى

حرص الفنان صبري فواز الرد على المطرب هيثم سعيد بعد تصريحاته الأخيرة، حيث نشر “فواز” صورة تصريح هيثم سعيد عبر حسابه الشخصي على موقع التواصل الاجتماعي “إنستجرام”، وعلق عليها قائلًا: “طبيعي خالص أنه لما يبقى فيه حاجة مش فاهمهينها، نسأل أهل التخصص .. و ده اللي أنا عملته”.

تحيا مصر يرصد تفاصيل رد صبري فواز على هيثم سعيد

وتابع صبري فواز في منشوره قائلًا: “والوحيد اللي رد عليا، هو أستاذ هيثم ( كتر خيره ) .. ومن إجابته فهمت أن الفرق بين الاتنين .. أن دول واخدين تراخيص ودافعين رسوم .. ودوكهما مش واخدين تراخيص و لا دافعين رسوم .. شكرا على التوضيح .. وأنا كده فهمت والموضوع انتهى، ألف شكر، ألف شكر، ألف شكر”.

رد هيثم سعيد على صبري فواز

ويذكر أنه منذ عدة ساعات كتب الفنان صبري فواز عبر حسابه الشخصي على موقع التواصل الاجتماعي “فيسبوك”: "عاوزين حد متخصص من نقابة المهن الموسيقية يفهمنا و يعلمنا .. 
ايه الفرق بين المهرجانات، و قشطة يابا".

وبعدها بساعات قليلة رد الفنان هيثم سعيد على منشور صبري فواز عبر “فيسبوك” قائلًا: “أقول لحضرتك يا أستاذ صبري (قشطه يابا)، الشاعر بيقدم الكلمات للمصنفات الفنية مكتوبة قبل التنازل للمطرب، بتفحصها لجنة قراءة للتأكد من خلوها من أي الفاظ أو ايحائات غير لائقة ومن أصالتها (مش مسروقة يعني)”.

منشور هيثم سعيد

وتابع هيثم سعيد: “وبعد الموافقة اللي بتستغرق ٣ أيام عمل بييجي الشاعر مرة كمان عشان يستلم الموافقة وبعدين يعمل التصريح/ التنازل للفنان عشان يدخل يسجل الأغنية وبعدها يطرحها، وإن لم يتم الموضوع بالألية السابقة تقوم النقابه بإتخاذ الإجراء المناسب نحو الفنان النقابي سواء (عامل/منتسب) سواء بالإيقاف أو الغرامة”.

واستطرد: “أما عن (المهرجان) بيكتب الأغنية، يسجلها، يطرحها يعني الفرق ما بينهم زي الفيلم اللي حضرتك بتمثله كده وأفلام التيك توك بتاعة (ايه ده.. ده مالطو) أو الفيلم الإباحي اللي اتصور عند الهرم أو أي محتوى درامي خاص يعرض على الإنترنت بدون رقابة، بس يا أستاذنا”.