هند تطلب الخلع: جوزى بيطلب منى أنزل أستلف له فلوس من الرجالة بكلمة حلوة

تقدمت هند بدعوى قضائية إلى  محكمة الاسرة لرفع دعوى خلع ضد زوجها بعد عام و5 شهور فقط من الزواج بعد أن أكشتفت أنه لا يحمل أى ذرة من الرجولة ولا يخاف على عرضه وشرفه مبررة ذلك بقولها" عمرى ما تخليت أى اتجوز واحد مش راجل كدا كل اللى يهمه الفلوس لدرجة أنه كان مزنوق يخلينى استلف له فلوس من رجالة قريبنا أو ناس فى المنطقة عندنا ويقولى كلامك حلو معاهم وهيوافقوا، وللأسف كل اللى بيدنى قرش بقي طمعان فيا وهو مش بيسدد ولما قولتله كنت متوقعة هيغير على شرفه لكن اتفأجت بيقولى دى مجملات عادية وخلى خلقك واسع متهيالى لو خونته مش هيكون عنده مانع مقابل الفلوس ."

تحيا مصر

وقالت الزوجة لـ " تحيا مصر" ، أتجوزت من سنة و5 شهور زواج صالونات ولكن للأسف كان أختيارى لأنه لما أتقدم أهلى رفضوا لأنه أقل مننا فى المستوى وكمان والدى قال عليه إنسان مش دوغرى، لكن أنا أتمسكت بيه، لأنى كان نفسي أتجوز وفرح وفستان، وفرحت فعلا لكن بمجرد ما دخلت شقته وعيشت معاه ندمت أشد الندم على اليوم اللى اتجوزته فيه، مش بيحب يشتغل ولا بيعرف يتحمل مسئولية بيت، وباع دهبي حتى دهب والدى، وبدأ يخلينى أطلب من رجالة تسلفه فلوس .

رفع دعوى خلع

وتابعت هند حديثها، كنت بحرج جدا من الناس اللى بستلف منها عشان هو مش بيرجع لهم فلوس وكمان بدأت الرجالة تطمع فيا وحسيت أنه ممكن يخلينى أبيع شرفي مقابل أنى أجيب له فلوس مهما كان المصدر، لأنه بيشوف الرجالة بتبص عليا أزاى وهو عامل نفسه مش واخد باله ولما واجهته بيقول دول ناس بيجملوكى خلى نيتك صافية، لحد ما طفح بيا الكيل وقررت أرفع دعوى خلع ومازالت الدعوى منظورة أمام القضاء.