مأساة زوج :«مراتي جابت شيشة لأبني المراهق في البيت عشان ميقعدش علي القهوة مع صحابه»

" مراتي مدلعة أبني زيادة عن اللزوم ومش بتقدر يفارقها لحظة" بتلك الكلمات روي زوج لتحيا مصرمن أمام محكمة ألاسرة عن زوجته التي أنجبت طفلا في سن متأخر وأصبح وحيدها هي وزوجها وبدأت زوجته مع مرور الوقت تدلل أبنها إلي أن صارت تفسده وتسمح له بقيام بعض الأمور الغير مستحبة .  

أنا ومراتي خلفنا ابننا بعد 7 سنين انتظار 

بدأ الزوج حديثه لتحيا مصر :" أنا ومراتي أتجوزنا وأحنا في سن كبير وفضلنا 7 سنين مستنيين مولود لحد ما ربنا رزقنا بعد طول أنتظار مراتي كانت الفرحة مش سايعاها وكرست حياتها كلها لخدمة وتربية الولد حتي شغلها في التدريس سابتته عشان تفضل قاعدة جنبه وتديله كل أهتمامها ".

"جوزي ضربني علي دماغي بالعصاية عشان خدت منه 10 جنية" مأساة أسراء أمام محكمة الأسرة

ريم أمام محكمة الأسرة:"جوزي نفسه يبقى مغني مهرجانات و صوته وحش وبيضحك الناس علينا"

أبني لما كبر مراتي مبقيتش تقدر تقوله علي حاجة لا  

وتابع :" عدت السنين وأبني كبر وبقي في الثانوية وبقي زي أي شاب عنده فضول أنه يجرب حاجات كتير وطبعا أمه هي اللي كانت أقربله مني بحكم ان هي اللي قاعدة معاه طول الوقت وأنا أغلب وقتي بقضيه في الشغل عشانهم لحد ما في يوم أبني أتلم علي صحاب في المدرسة وكانوا بيطلبوا منه حاجات كتير زي أنهم يخرجوا ويرجعوا الفجر ويشربوا سجاير وشيشة ويقابلوا بنات وهو عشان في سن مليان طاقة كان بيوافقهم وأمه من تعلقها بيه كانت بتخاف تمنعه عشان ميزعلش وياخد علي خاطره ". 

رجعت من الشغل لقيت أبني قاعد بيشيش ومراتي قاعدة جنبه 

وأستكمل :" رجعت في يوم من الشغل بدري عن ميعادي المعتاد  وشوفت منظر صدمني وخلاني مش قادر أنطق لقيت أبني قاعد علي الأرض وبيشيش ولما شافني أتفزع ورمي الشيشة من أيده ندهت علي طول علي مراتي وانا دمي كان بيغلي وهو جري علي أوضته وقفل علي نفسه الباب ولما سألت مراتي مين اللي دخل الشيشة دي البيت قالتلي أنها أشتريتها للولد عشان خافت عليه من القعدة علي القهوة مع صحابه فجابتله الشيشة في البيت عشان يفضل قدام عينيها وميديش كل وقته لأصحابه وينشغل عنها ".

مراتي مش طبيعية و قررت أطلقها 

واختتم :"خدت الشيشة من أبني ورميتها في الزبالة وبدأت في الفترة دي أركز مع حياته اكتر ولقيت حاجات كتير في حياته مش مقبوله زي أن كل صحابه مش كويسين ومستواه الدراسي واقع وسمعته مش كويسة وسط البنات من كتر ما بيكلم بنات ويلعب بيهم وكل ده وألاسم أنه لسة مراهق بدأت أدرك وقتها أن كل اللي هو وصله ده بسبب أمه وتربيتها الغلط وبدأت كمان أدرك أنها نفسيا مش متزنة الأم اللي تسيب أبنها يعمل كل اللي هو عايزه حتي لو غلط وهيضره بس عشان خاظر ترضيه ويفضل قاعد جنبها دي تبقي ست مش طبيعية عشان كدة قررت أطلقها وأخلي أبني يعيش معايا عشان الله أعلم لو فضلت مكمل حياتي معاها هتعمل أية تاني في أبني وهتوصله لأنهي درجة من الضياع ".