"جوزي حاول يعتدي علي مدرسة بنتي الخصوصية وجوزها أداله علقة"اعرف قصة شيماء

" جوزي وداني مشوار انا وبنتي وكلم المدرسة بتاعة بنتي عشان تيجي تديها درس وأعتدي عليها " بتلك الكلمات روت شيماء لتحيا مصر من أمام محكمة الأسرة عن زوجها الذي أعتدي علي معلمة أبنته الخاصة لتتحول عملته في النهاية إلي بلاغ بالقسم فقررت شيماء خلعه حتي تتخلص من طباعه السيئة و المواقف التي يضعها فيها .

"جوزي ضربني علي دماغي بالعصاية عشان خدت منه 10 جنية" مأساة أسراء أمام محكمة الأسرة

ريم أمام محكمة الأسرة:"جوزي نفسه يبقى مغني مهرجانات و صوته وحش وبيضحك الناس علينا"

مشوفتش يوم حلو مع جوزي بسبب عينه الفارغة 

بدأت شيماء حديثها لتحيا مصر :" أنا وجوزي متجوزين بقالنا 12 سنة وعندنا بنت واحدة في أبتدائي ومن يوم ما اتقفل علينا باب واحد أنا وهو وأنا حياتي كلها عذاب بسبب خيانته ليا وعينيه اللي مش بيملاها إلا التراب مسابش واحد صاحبتي إلا وحاول معاها وجيراني وعلاقات من علي النت وكل ده وانا صابرة ومستحملة عشان خاطر بنتي ".

بنتي بتجيلها مدرسة خاصة في البيت وكانت عاجبة جوزي 

وتابعت :" بنتي جيبتلها مدرسة خاصة في البيت عشان تهتم بيها وبمستواها الدراسي والمدرسة دي كانت شاطرة وجميلة وصغيرة في السن وكانت عاجبة جوزي جدا وكان بيصر دايما أنه ياخد أجازة من الشغل في الأيام اللي هو عارف أن المدرسة بتاعة بنتي دي جاية وأنا بحاول بقدر  الأمكان أني مسيبهوش  يحاول يقرب منها مش عشان هو جوزي لأني كنت خلاص فقدت الأمل فيه وعايشة معاه عشان بنتي لكن عشان المدرسة دي كانت متجوزة ولو جوزي حاول يقرب منها جوزها مش هيسيبه في حاله ".

جوزي حاول يعتدي علي المدرسة بتاعة بنتي في البيت واحنا مش موجودين 

وأستكملت :" كنا في يوم بنتي عندها فيه ميعاد حصة مع المدرسة بتاعتها ولقيت جوزي بيقولي أن والدته تعبانة ولازم نروحلها عشان نزورها وان هو هيخلص شوية شغل عنده ويحصلنا علي هناك قولتله طب والحصة بتاعة البنت ؟ قالي أنا هكلمها أعتذرلها ونأجل الحصة وبالفعل روحنا انا وبنتي لوالدته مع العلم أن والدته قاعدة في محافظة بعيدة والطريق ليها بياخد وقت طويل في الوقت ده كان جوزي مستني المدرسة عشان تيجي ولما جت وخبطت علي الباب قالها" أدخلي المدام وبنتي جوا هدخل اندهملك " وفي الوقت ده كان هو قعد واتكلم معاها وفضل يحاول يقرب منها وعشان كان شارب اليوم ده زي عوايده لما لقاها بتصده وبتصرخ قام وحاول يعتدي عليها وهي فضلت تصد فيه لحد ما ربنا نجاها وفتحت باب الشقة وهربت منه ".

جوز المدرسة لما عرف أتهجم علي جوزي في البيت وأداله علقة وروحنا جيبناه من القسم

وأضافت :" اليوم ده لما روحت لحماتي ولقيتها كويسة ومش تعبانة فضلت ارن علي جوزي وقتها عشان ييجي يروحنا ومكنش بيرد عليا وكانت المدرسة في نفس اليوم راحت حكت كل اللي حصلها لجوزها  وطبعا جوزها مسكتش وراح جاب شوية رجالة معاه وخبطوا علي جوزي في البيت  ولما مفتحلهمش كسروا عليه باب الشقة ودخلوا ضربوه في جسمه كله وخدوه علي القسم ولقيته وقتها بيتصل بيا وبيقولي أرجعي علي البيت هاتي بطاقتي وهدوم البسها لأنهم خدوه علي القسم وهو " بالشورت "  وقالي أروحله علي القسم ولما أروح هيفهمني اللي حصل ".

روحت للمدرسة و أعتذرتلها بنفسي وجوزي قررت أخلعه

 
واختتمت :" بعد ما عرفت من جوزي اللي حصله لما روحتله القسم قولتله " هتفضل علي طول من يوم ما أتجوزتك جايبلي الفضايح والكلام وكويس أن حصلك كدة عشان دي أخرة عمايلك السودة " وسيبته ومشيت وتاني يوم روحت للمدرسة بنفسي أنا وبنتي عشان نعتذرلها وجوزي فضل محجوز وبيدور علي محامي يطلعه وأنا أستغليت محنته دي وقررت أخلعه عشان خلاص مبقيتش هقدر أستحمل حياتي معاه ".