أوكا وأورتيجا خدوا لحن ليا من غير اذني وبحب أحمد شيبة.. أبرز تصريحات هاني شنودة

حل الموسيقار الكبير هاني شنودة ضيف برنامج هو وهن، من تقديم راندا العالمي وعمرو حلمي، وإعداد بسنت سمير، مع مديرة تحرير البرنامج ندى إمام، المذاع عبر شاشة قناة المحور، وكشف عن سرقة أوكا وأورتيجا لحن شمس الزناتي منه بدون موافقته.

تحيا مصر يرصد لكم أبرز تصريحات الموسيقار هاني شنودة على قناة المحور

تصريحات هاني شنودة في برنامج هو وهن

• مظنش في حاجة اسمها زمن فن جميل لأن الزمن طول عمره جميل
• نعيب في الزمان والعيب فينا والفن طول عمر جميل
• ولو بناخد ملاحيظ الأيام دي على الفن بيكون على الشق الأدبي
• عاملين في المهرجانات إيقاعات بتعجب الناس بس ليه قلة الأدب؟
• يا مفيش مهرجانات عاطفية ودينية ووطنية
• بيعجبني أحمد شيبة في أغنيته الجميلة آه لو لعبت يا زهر

• آه لو لعبت يا زهر كانت بتحط جوا الناس الأخلاق الحميدة
• أوكا وأورتيجا خدوا مزيكا شمس الزناتي وحطوا عليها كلمات
• محدش فيهم كلمني أو استأذني او حتى كتب لحن هاني شنودة
• وده اللي بناخده من الجيل الجديد
• فاكر لما قابلت عبد الوهاب كنت طاير من الفرحة وقعدت اقول قابلته
• لما نجاة طلبت مني اعملها حاجة قولت يا سلام وكنت مندهش
• كنت زمان بقول محدش علمني بس الكلام ده كذب
• اتعلمت من القهاوي والموالد وأمي وأساتذتي في كل حتة
• خريج الجامعة قالوله ازاي تبحث في الكتب معلموش لأن التعليم هيجي بعدين

رسالة هاني شنودة للكينج محمد منير

على الصعيد الآخر، حرص الموسيقار هاني شنودة علي توجية رسالة للكينج محمد منير، وذلك خلال لقائه في برنامج "بالخط العريض" الذي تقدمة الإعلامية إيمان أبو طالب، ومن المقرر عرضة علي قناة الحياة

وأوضح شنودة أن عبد الرحيم منصور كان يطلق على محمد منير اسم الرماح وكان يناديني بالقديس وسيد حجاب بالعم والأبنودي بالخال

وقال هاني شنودة "الكينج مقصر في حق نفسه وصحته ولازم ياخد باله من صحته".

أخر أعمال محمد منير 

وجاءت كلمات أغنية الكينج الجديدة التي تحمل اسم للي كالتالي:

سألته هل داء الولع كان الجواب صده
ساق الدلال ساق الدلع مفاتيح هواه صدوا
ومشيت أوشوش في الودع ولا جاني ليه رده
اللي فتح باب الوجع واجب عليه رده
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي