بمشاركة نجل مصطفى قمر.. خالد سرحان ينضم لـ فيلم حريم كريم 2

فجر الفنان خالد سرحان مفاجأة لجمهوره، وهي مشاركته في الجزء الثاني من فيلم حريم كريم، عبر فيسبوك. 

تحيا مصر يرصد لكم تفاصيل مشاركة خالد سرحان في الجزء الثاني من حريم كريم

خالد سرحان في حريم كريم الجزء الثاني

وكتب خالد سرحان عبر حسابه الرسمي بموقع التواصل الإجتماعي فيسبوك: انتظروني في أولاد حريم كريم، بس المرة دي مش هضرب مصطفى قمر، ده أنا هضربه هو وابنه.

وأشار خالد سرحان إلى مشاركة تيم نجل الفنان مصطفى قمر في هذا الجزء من الفيلم.

خالد سرحان ينتقد تصريحات ياسمين عز

ويذكر أن أثارت تصريحات ياسمين عز الأخيرة غضب الفنان خالد سرحان، الذي أعاد نشر تصريحاتها التي قالت فيها: “البيت بفلوس الراجل، وتيجي الست تقوله أقلع الجزمة علشان السجادة، ده أنا أحط فساتين الماركات تحت رجله يمشي عليها”، وعلق عليها، قائلا:“البت ديه عايزة تعمل تريند، والناس تتكلم عنها، بلاش تساعدوها في الهبل”.

تصريحات ياسمين عز

وكانت قد قالت ياسمين عز خلال برنامجها كلام الناس، المذاع على قناة mbc مصر، تصريحات أثارت استفزاز الجمهور، خاصة فئة النساء، بعدما وجهت لهم مجموعة من النصائح لمعاملة زوجها معاملة طيبة لكنها كانت مبالغ فيها، اذ أسندت اللوم بأكمله على النساء، فقالت: "والله لو اهتميتي بجوزك نص الإهتمام اللي بتهتميه لغسيل السجاجيد، وغسيل المواعين عمره ما يفكر يبص لواحدة برا غيرك.. واللي أنتي مش عارفاه إن الراجل أساسه طفل، طول الوقت محتاج رعاية واهتمام.

وتابعت: اعتبريه ابنك وشوفي معاملته معاكي هتتغير ازاي.. جوزك دايمًا محتاج يحس بلهفتك، بخوفك عليه، محتاج يحس إنه رقم واحد في حياتك، محتاج يحس إن الدنيا كلها ممكن تيجي عليه إلا أنتي ويحس إنك أمه البديلة، اللي لو طالت تطلع اللقمة من بوقها تديهاله هتعمل كده، هو محتاج دايمًا يكون شايف قدامه المزة بتاعته، البنت اللي ساب ستات الدنيا واختارها عشان يكمل معاها، وتكون شريكة حياته.

ووجهت ياسمين عز نصيحة أخيرة لـ للنساء، قالت فيها: نصيحة أخيرة أوعي تزعقي أو تعلي صوتك، عشان وقتها الراجل بيشوفك راجل زيه، مش واحدة ست، خلي دايمًا صوتكك واطي وطبعك هادي، وبشوشة حتى لو هتمثلي، لحد ما يبقى الموضوع فيكي حقيقي، متبقيش نكدية عشان النكدية بتبقى كتلة نار بتحرق البيت كله، اتمنى تكوني سألتي نفسك انتي مقصرة في حق جوزك ولا لا.