عميلة بنك مصر يشكو: "الموظفين ومديرينهم أسوأ من بعض"

اشتكت عميل بنك مصر من الموظفين والمديرين في أحد فروع بنك مصر على مستوى الجمهورية، تجاه معاملتهم أو الخدمات المقدمة للعملاء، مشيرة إلى ضرورة إيجاد حل من قبل البنك المركزي تجاه موظفي بنك مصر وتعاملاتهم، ويرصد تحيا مصر الشكوى المقدمة.
 

بنك مصر يكشف حالات غلق الحساب.. "أمن نفسك"

عروض بنك مصر على بطاقات الائتمانية.. "اشتري براحتك"

 عملاء بنك مصر

قالت إحدى عملاء بنك مصر عبر صفحة المصرف الرسمية على موقع "فيسبوك"،: "علشان تشتكي من معاملة موظفي بنك مصر للعملاء وكأنهم شغالين عندهم ماينفعش تدخل لمديرهم لأن مديرهم أسوأ منهم في المعاملة ولا يستمع للشكوي ويهاجمك وينفعل عليك ولو رديت مايعجبهوش".

وأضافت: "كمان ماينفعش تشتكي في خدمة العملاء..ولو قولت طب اشتكي لمين يقولك ادخل على موقع البنك وشوية ويقولك الشكوي لغير الله مذله، بنك منفصل عن الواقع".

وتابعت: "يعني لما يكون غالبية العملاء مابيعرفوش يدخلوا الموقع ولا يعرفوا يبعتوا شكوي ازاي ولا عندهم موبايل حديث يدخلوا منه يبقي البنك لايحترم صغار العملاء وبيقولنا بالفم المليان اخبط راسك في الحيط".

بنك مصر

واستكملت:  "طالما بيتوهوك ومالهومش كبير ترجعله يبقي كل موظف هيعمل اللي علي مزاجه للعملاء دون رادع يبقي الحل إننا نشتكي لرئاسة الوزراء ونشتكي للبنك المركزي علشان يخلي الموظفين يحترموا العملاء".

وأضافت: "في البنك الاهلي لو الموظف قصر وشافك داخل علي المدير تشتكي بيلحق نفسه ويرجع عن تقصيره لكن في بنك مصر فرع الزقازيق الفرع الرئيسي موظفي خدمة العملاء ومديرهم شوية موظفين فاكرين نفسهم شغالين في مجلس المدينة تروح الساعة عشرة تلاقي الناس قاعده علي الكراسي مستنيين دورهم ولو مشيت ورجعت بعد ساعتين هتلاقي نفس الناس بحطة الايد قاعدين نفس القعدة مفيش حد اتحرك والموظفين رايحين جنب بعضهم يتكلموا ويضحكوا وبيسيبوا العميل ودوره وبيخلصوا لبعض شغل وسايطهم".

واختتمت:"حسبي الله ونعم الوكيل فيكم، فيزا مش عارفة افعلها أومال لو روحت احط فلوس كنت قعدت عشرين ساعة، بنك معاه رقم موبايلك بيعملك الفيزا من غير مايضيف ليها رقم موبايلك ويقولك روح فعلها بره وتروح بره ماتنفعش تتفعل، تدخل تقوله يقولك آه اصل رقم موبايلك غير مضاف على الفيزا اطلع الدور الثالث لخدمة العملاء، طب قبل ماتطلعه قوله يعمل ايه، قوله خد رقم بدل مايطلع ويرجع ينزل ..وبتاع خدمة العملاء بدل مايقولك خدلك رقم يقولك السيستم واقع،طب قوله السيستم واقع ولما يرجع هفعلها بس هات رقم، لا مابيتكلموش مع حد ...والعميل يفضل طالع نازل ٣ أدوار".