ندى موسى عن أدوراها: عملت بوم في مسلسل طريقي وجراند أوتيل كان ماتش تمثيل

كشفت الفنانة ندى موسى عن بدايتها الفنية، وعملها مع الفنان محمد صبحي في مسلسل “ونيس وأيامه” وذلك خلال لقائها مع إسعاد يونس في صاحبة السعادة.

تحيا مصر يرصد لكم تصريحات ندى موسى عن بدايتها الفنية

ندى موسى في مسلسل “ونيس وأيامه”

وقالت ندى موسى عن مشاركتها في مسلسل “ونيس وأيامه”: كان بيعمل أخر جزء من ونيس، وقولتله أنا عايزة امثل قالي تمام، هنعمل اختبار وبعد فترة اتقبلت في دور بهيرة ومكنتش مصدقة نفسي وعملت معاه “ونيس وأيامه”.

وتابعت: ونيس كان أول حاجة في حياتي، وبعدين هبة رجل الغراب، وبعدين مسلسل طريقي عمل بوم وكانت من أكتر الأدوار اللي بحبها في حياتي.

ندى موسى عن مشاركتها في جراند أوتيل: كان ماتش تمثيل 

وعن مشاركتها في مسلسل جراند أوتيل، قالت: جراند أوتيل كان ماتش تمثيل بالنسبالي، محمد شاكر من المخرجين اللي بيعرفوا يجيبوا شخصيتي وكان دايمًا بيقولي بشويش وكفاية تفكير زيادة عن اللزوم.

ندى موسى عن مشاركتها في مسلسل بالحجم عائلي

وعن إستعدادها لدور مدربة الزومبا في مسلسل بالحجم العائلي، قالت: أنا بطة بلدي، وقعدت اقول هرقص في يوم من الأيام، ولما جالي الدور في مسلسل بالحجم عائلي، كنت شخصية مدربة زومبا وحسيت إني محبطة جدًا، وبدأت اتمرن بشويش واتدربت، وكان تحدي بالنسبالي.

أما عن مشاركتها في مسلسل السما والأرض رغم خوفها من الأماكن المغلقة، قالت: عندي فوبيا من الأماكن الضيفة، وفاكرة إني زقيت نجلاء بدر زقة وقولتلها وسعي وجريت من أخر مشهد عشان مكنتش قادرة اتنفس.