من بعدك مبقاش في حنية.. ميار الببلاوي توجه رسالة لـ والدتها الراحلة

وجهت الفنانة المعتزلة ميار الببلاوي، رسالة مؤثرة لوالدتها الراحلة عبر حسابها الرسمي بموقع التواصل الإجتماعي فيسبوك. 

تحيا مصر يرصد لكم رسالة ميار الببلاوي لوالدتها الراحلة 

رسالة مؤثرة من ميار الببلاوي لوالدتها الراحلة 

وكتبت ميار الببلاوي عبر فيسبوك: يا أمي.. بجد كل لما بعيا قلبي بيوجعني أكتر من أي وجع لأني بفتكر كنتي بتعمليلي إيه وأنا تعبانة، بعدك لا بقى فيه حنية ولا حد أفرق معاه كلت ولا مكلتش أخدت الدوا ولا ما أخدتش صاحية ولا نايمة، حرارتي عالية ولا نزلت، كحتي ناشفة ولا لا.

وأردفت ميار الببلاوى : ياه يا ماما، أنا عجزت أوي أوي من بعدك.. شوية برد ململوني ودمروني نفسيًا، وحسيت إحساس الله مايحكمه على حد، كنت بعمل أخطر وأكبر عمليات وأنا في غربة ولا هنا، بس نفسك ودعاكي كانوا بيقوونى إني مخوفكيش عليا ولا أقلقك وأرجعلك كويسة وواقفة على رجليا. 

ميار الببلاوي: وحشتيني أوي يا أمي

وأضافت ميار الببلاوي تدعو لوالدتها الراحلة: حبيبتى قصرك في الجنة إن شاء الله، قد حنيتك وطيبتك وتعبك علينا.. وحشتيني أوي بس ده مايمنعش أشكر كل اللي اتصلوا بيا واهتموا يدعولي بمسج، كتر خيركم وربنا ميحرمش أي حد من أمه ولو أمكم عايشة استمتعوا بالنعمة الغالية أوي أوي دي، ولو ربنا اختارها إلى جواره ربنا يصبركم، وآسفه للإطاله بس محتجالها أوي. 

رسالة ميار الببلاوي لـ شيرين عبد الوهاب

وكانت قد وجهت ميار الببلاوي رسالة للفنانة شيرين عبد الوهاب خلال الأيام القليلة الماضية، عن طريق فيديو عبر حسابها الرسمي بفيسبوك، بعد ظهورها بوزن زائد خلال إحيائها حفل تكريم بإحدى الجامعات الخاصة خلال الأيام الماضية

وقالت ميار الببلاوي لـ الفنانة شيرين عبد الوهاب عبر حسابها الرسمي بموقع التواصل الإجتماعي فيسبوك: شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم.

وتابعت ميار الببلاوي: اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك.

وأردفت الببلاوي: مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك.