هدير : حماتي سحلتني علي السلم عشان جوزي جبلي لحمة.. اعرف القصة

" جتلي أعاقة في رجلي  بسبب حماتي وجوزي بدل ما يجيبلي حقي بقي بيعايرني ".. بتلك الكلمات روت هدير لتحيا مصر من امام محكمة الأسرة عن زوجها ووالدته التي تسببت لها في اعاقة مستديمة بسبب " فطار في العيد " .

"جوزي خلى بنتي ترقص علي التيك توك عشان تجيب فلوس".. منار تنهار أمام محكمة الأسرة

محمود مراته خانته مع مديرها عشان بتحب العلاقة العنيفة..القصة كاملة

حاولت أصاحب حماتي بس كرهها ليا غطى على كل حاجة 

بدأت سحر حديثها لتحيا مصر من أمام محكمة الأسرة :" انا وجوزي متجوزين من 5 سنين وعندنا بنتين في البداية كنت عارفة طبع حماتي وشدتها في المعاملة بس كنت بحاول أسايسها وأصاحبها علي قد ما أقدر وهي كمان كانت بتحاول تداري كرهها ليا عشان أبنها ميشوفش أنها أم وحشة لكن بالعشرة والسنين اللي جمعتني بيها عملت فيا اللي عمري ما شوفته من حد خصوصا أنها كانت شايفة أن أبنها متعلق بيا وحاببني وهي غيورة جدا ومكنتش بتعرف تلاقيلي غلطة تحاسبني عليها وتوقع بيها بيني و بيني جوزي لأني كنت متقية ربنا في بيتي وعيالي طول الوقت ".

حماتي مش اول مرة تضربني بس جوزي مكنش بيسكتلها  

وتابعت :" حماتي في كل موقف كانت بتحاول تغلطني فيه وجوزي يدافع عني كانت أحيانا تتعدي عليا بالضرب أو الشتيمة أو الأهانة وكل ده عشان أسباب تافهة ممكن عشان مرة مروحتش نضفتلها الشقة أو عشان شديت علي حد من عيالي وهي بتحبهم جدا وكانت دايما تبهدلني لو شديت علي حد فيهم مع أني ببقي بعمل كدة عشان دول عيالي وأحيانا بيبقي لازم أشد عليهم عشان يتعلموا لكن في كل المواقف دي كان دايما جوزي يجيبلي حقي منها من غير ما أنا أنطق ولا كلمة ".

جه علينا العيد وجوزي مكنش بيكلم أمه 

وتابعت :" أخر عيد قضيته في بيت جوزي كان عيد الأضحي وساعتها العيد ده دخل علينا وجوزي كان زعلان من أمه ومش بيكلمها فجبلي أنا لحمة العيد ولما سألته جيبت لوالدتك ولا لا قالي " لا مش هجيبلها حاجة السنة دي ولا هنفطر معاها هي جت علينا كتير ولازم تعرف أنها خسرتني بسبب معاملتها ليكي " ساعتها مكنتش عارفة أفرح عشان جوزي واقف في صفي ولا أزعل عشان أنا برضه ميرضينيش أبقي السبب في خصامهم  حاولت علي قد ما أقدر أحنن قلبه عليها لكن مرضيش يسمعلي ".

خرجت من العيد حياتي متدمرة ووحصلتلي أعاقة هتلازمني العمر كله 

وأختتمت :" لما جه العيد وحماتي لقيت أننا ولا جبنالها لحمة ولا فطرنا معاها خبطت عليا في البيت ولما فتحتلها بدأت في الزعيق والأهانة المعتادة ليها لكن في المرة دي جوزي مكنش موجود عشان يدافع عني وكنا يوم عيد وعيالي فرحانين ومش عايزاهم يشوفوا الخناقات دي ف خدتها وطلعت برة الشقة علي السلم عشان نتكلم بعيد عن العيال ساعتها أنا كان فاض بيا منها وكنت محتاجة أدافع عن نفسي عشان متستضعفنيش لكن مجرد ما بقيت أرد عليها دمها حمي عليا أكتر وزقتني علي السلم ومن يومها وأنا رجلي حصل فيها أعاقة مستديمة ومبقيتش أعرف امشي عليها زي الأول ".  

جوزي قلب عليا ومبقيتش مالية عينه بسبب صعوبة حركتي 

وأختتمت :" جوزي في البداية غضب منها ومعداش الموضوع بالساهل لكن بعد اليوم ده لما الدكتور قالنا أن الأصابة اللي رجلي دي مستديمة وان حركتي مش هتبقي زي الأول وهو بقي قالب عليا وبيعايرني أني مبقيتش قادرة أخدمه هو وعيالي زي الأول بدل ما يحس ويتفهم أن اللي حصلي ده بسبب أمه لما لقيت الوضع بيزداد صعوبة قررت أرفع دعوي طلاق للضرر يمكن أرتاح من العيلة دي كلها اللي دمرتلي حياتي ولاخر يوم في عمري مش مسامحاهم ".