"جوزي خلى بنتي ترقص علي التيك توك عشان تجيب فلوس".. منار تنهار أمام محكمة الأسرة

"بيقولي بنتك حلوة ولو عملت فيديوهات هنكسب دهب"..بتلك الكلمات روت منار لتحيا مصر من أمام محكمة الأسرة عن زوجها الذي أستغل أبنتها لتظهر علي مواقع التواصل الأجتماعي وتستعرض جسدها مقابل الأرباح المادية من هذه المواقع.

"جوزي بيبعت صوري بقميص النوم للرجالة عشان الفلوس"مأساة هاجر أمام محكمة الأسرة

رغد أمام محكمة الأسرة: جوزي عرض عليا مليون جنية عشان أوافق علي جوازته التانية ومحرمهوش من العيال

جوزي بيقولي أن بنات التيك توك أحلي مني 

بدأت منار حديثها لتحيا مصر من أمام محكمة الأسرة :" أنا وجوزي متجوزين من 18 سنة وعندنا بنت وحيدة أسمها تقي من ساعة ما ظهرت مواقع التواصل الاجتماعي وخصوصا التيك توك وهو قاعد قدامها وبيتفرج عليها 24 ساعة جوزي عينه زايغة وبيحب البنات ويا سلام لو البنات دي بترقص ولا معرية جسمها طلبت منه كتير يبطل فرجة علي الكلام ده ويسيب الفيديوهات دي يتفرجوا عليها المراهقين بس كان رده دايما يوجعني ويقولي" طبعا حقك تغيري منهم أنتي شايفة جسمهم وجسمك "ولما بقي يعايرني ويرميلي الكلام ده كل شوية بطلت أفتح معاه سيرة الموضوع ده وبقيت أسيبه يعمل اللي يعمله".

جوزي طلب من بنتي ترقص علي التيك توك زي البنات دي 

وتابعت :" جوزي شغال مكوجي وحالنا مش أفضل شئ بس مستورة معانا والحمدلله لحد ما جه في باله فكرة متجيش في بال أي أب وحاول كمان أنه يطبقها بكل الطرق جوزي في مرة كنا قاعدين أنا وهو و" تقي " وكان بيبص علي جسمها وشعرها بأعجاب تقي بنتي في ثانوي وجسمها بقي ملفت من ساعة ما دخلت سن المراهقة وقالتلنا أنها مش هتتحجب غير بعد الجامعة وأحنا عشان مش عايزينها تبقي متحجبة غصب عنها وافقنا وسيبناها براحتها جوزي بدأ يفكر أن بنتي تطلع علي التيك توك وترقص زي البنات اللي هو بيتفرج عليها لأنها حلوة وهتعجب الناس وأهي كمان تبقي جابتلنا فلوس وأرباح تعيشنا عيشة مرتاحة ".

جابلها لبس مكشوف ومكياج وهي عشان لسة مراهقة وافقت بده 

وأستكملت :" لما جوزي جه في باله الفكرة دي مكنش لسة قالها لـ "تقي" وهو طلعا لما قالي كدة رفضت كلامه وقولتله " لو عملت كدة مش هتبقي أب ولا هيتقال عليك راجل حتي وساعتها هسيبلك البيت وأمشي " وهو بكل عدم أهتمام لكلامي راح برضه أشتري لبس مكشوف ومكياج بالشئ الفلاني لـ " تقي " وأقنعها أنها تعمل فيديوهات وهي طبعا عشان بنت ولسة صغيرة فرحت أوي ووافقت لانها حسيت أنها كدة هتلاقي كلام حلو من ناس كتير وكمان شهرة وفلوس وأهو أبوها بنفسه اللي بيطلب منها يعني مش هتعمل حاجة من وراه حاولت أمنعها كتير لكن ولا هي ولا أبوها سمعوا كلامي ".

الشباب بقوا مش سايبين بنتي في حالها وجوزي قررت اخلعه 

واختتمت :" بنتي بدأت في قصة الفيديوهات وبقيت تطلع فيها تغني وترقص وتتكلم مع ناس غريبة أهملت دراستها وأسلوبها أتغير معايا وبقيت طول الوقت ماسكة التليفون ولما كانت نايمة في مرة مسكت تليفونها واتصدمت من كمية الرسايل اللي بتتبعتلها من الشباب اللي بيعاكسها واللي عايز رقمها واللي عايز يقابلها أتقهرت من وقتها وقررت أخلع الراجل اللي قبل أنه يعمل كدة في بنته وهي لسة في سن زي ده عشان أخد بنتي معايا ونعيش بعيد عن أبوها وساعتها هبدأ في تربيتها من البداية وربنا يقدرني علي اللي جاي ".