بعد تصدرها التريند بصورها.. نادية الجندي: “الناس مشتاقة ليا.. ومبحبش أحرق نفسي”

تحدثت الفنانة نادية الجندي عن سبب تصدرها التريند بمجرد طرحها صورة عبر انستجرام، خلال الجزء الثاني من لقائها ببرنامج حبر سري الموسم الثالث.

تحيا مصر يرصد لكم تصريحات نادية الجندي في الجزء الثاني من لقائها بحبر سري 

نادية الجندي: الناس مشتاقة ليا 

قالت نادية الجندي: الناس مشتاقة ليا وبتحبني، ما بتصدق تشوفلك صورة، أنا مبحرقش نفسي وبحب استنى عشان الناس تشتاقلي، ولما بنزل بعمل عمل فني بيكون كويس ومش بستهتر بحب الجمهور ليا وبحترمه وفي ثقة بينا.

نادية الجندي: أفلامي بتكسر الدنيا وعمري ما حسيت بالغيرة من حد

وعن شعورها بعد تحطيم زملائها الأرقام القياسية بأعمالها، قالت: عمري ما حسيت بالغيرة من حد، لأن كل واحد ربنا بيكتبله رزقه وشغله، ومش لازم يبص في ايد اللي في غيره، وأنا متصالحة مع نفسي.. ومش محرومة من النجاح، وأفلامي بتنجح وتكسر الدنيا، لكن مغيرش وأي حد من زملائي بينجح بباركله.
وتابعت: أنا باركت لـ منى زكي على لعبة نيوتن، عشان أدائها كان رائع، وأي حد بيعمل دور حلو بكلمه وبباركله؟
وأضافت: الجيل الجديد متتبعني، والسوشيال ميديا فيها كل الأجيال، وأنا فلامي بتتعرض على كل القنوات.

نادية الجندي ووالدتها

وقد تحدثت نادية الجندي عن دور والدتها الراحلة في حياتها، قائلة: فراق والدتي مغيرش نظرتي للحياة، بس كان ألم بالنسبالي، لأنها كانت سبب دخولي الفن عشان ممنوع بنات العائلات يدخلوا الفن، ووالدي كان راجل متدين وعصامي، لكن ماما اللي شجعتني.

نادية الجندي: والدتي اقنعت بابا ادخل الفن

وتابعت نادية الجندي عن بدايتها الفنية: ماما أقنعت بابا ادخل الفن، وقالها الوسط صعب مش هتقدر تتأقلم معاه، قالها خلاص لازم تروحي معاها الأستوديو لأنها صغيرة ومتسبيهاش، ولازم تكمل دراستها.

واستكملت نادية الجندي كلامها: ماما كانت بتيجي معايا التصوير وأنا صغيرة.. وماما اللي حببتني في الرياضة عشان اخس بسبب التمثيل ووقفت جنبي وساندتني وشجعتني وليها دور كبير في حياتي، وكانت أم حنونة وحاجات كتير افتقدتها فيها.

وأضافت: قعدت فترة طويلة مش قادرة انساها، ولحد دلوقتي منسيتهاش، ومفيش بعد حنان الأم.

واختتمت كلامها: ماما فضلت تروح معايا التصوير، لحد ماتجوزت عماد حمدي وأنا 16 سنة، جوازنا كان عن حب وعيلة ومراهقة وكان معنديش خبرة.