زينة: مفيش قصة حب في حياتي.. ومش بحس أني ست قوية

أكدت الفنانة زينة على أنها لا تعيش قصة حب حاليًا وقلبها يخفق لأبنائها فقط، وذلك في لقائها الإذاعي مساء أمس الخميس في برنامج أسرار النجوم مع المذيعة إنجي علي على محطة راديو نجوم إف إم.

تحيا مصر يرصد تصريحات زينة عن الحب

حيث قالت زينة لـ برنامج "أسرار النجوم": “قلبي بيدق على طول مع ولادي، ومفيش قصة حب في حياتي ومعنديش وقت ومعنديش حاجة أديها لحد، وهبقى بظلم أي حد لأني مش هديه حقه أو أي اهتمام والاهتمام رايح في حتة معينة”.

وأضافت زينة: "وابني سمع كلامي في الموضوع دا قبل كدا في أحد البرامج وقال لي إزاي بيتدخلوا في خصوصياتك وحياتك وقولت له عايزيني أتجوز وأكون مبسوطة، فرد عليّ وسألني هو أنت مش مبسوطة؟.. فقلت له بالتأكيد مبسوطة أوي، فقال لي قوليلهم إنك مبسوطة معانا ومحدش يقول لك الكلام دا مرة تانية، وهو عنده حق طبعا”.

طريقة زينة في تربية أبنائها

ومن جانبه، كشفت زينة عن الطريقة التي تتبعها في تربية أبنائها، حيث قالت: "أنا حريصة أعلم ولادي الرضا والطموح للنجاح ومش عايزاهم يدخلوا شيء ويخسروا ومهم يكون عندهم الإصرار على النجاح.. وأنا بكره الناس الحيادية لأن الحيادي ظالم، الحيادي شخص منافق خليك واضح وصريح، وأنتي لو ست معندكيش موقف فأنتي ست مش كويسة ولكن ظالمة، والراجل بردو بينطبق عليه نفس الكلام”.

وتابعت زينة قائلة: “مش بحس أني ست قوية، ولكن أنا جدعة مع نفسي وواضحة وصريحة ومش بكدب على نفسي أو أحط نفسي في موقف معرفش أعمله”.

تعاون زينة مع محمد شاهين في مسلسل “الليلة واللي فيها”

ومن ناحية أخرى، تحدثت زينة عن مسلسلها الجديد “الليلة واللي فيها” الذي تم عرضه على منصة “شاهد”، حيث قالت عن تعاونها مع محمد شاهين وابيوسف: “اشتغلنا أنا ومحمد شاهين مرتين قبل كدا، والأستاذ هاني خليفة لما كان بيعمل الكاستينج مكنش عايز حد اشتغلت معاه قبل كدا، ولكن بمجرد ما ذكر اسم شاهين حاولت أداري أنني تعاملنا مع بعض سابقا، وحتى أبيوسف بني آدم محترم وحساس جدا”.