هند سعيد صالح عن سبب هجوم فكري صادق على والدها: "مخلهوش يعمل دور خوليو في سلام ياصاحبي"

تحدثت هند سعيد صالح لأول مرة عن سبب هجوم الفنان فكري صادق على والدها الراحل، مشيرا إلى أنه ترددت أنباء بأن سعيد صالح كان سبب في عدم مشاركة فكري صادق في سلام يا صحبي.

تحيا مصر يرصد في ذلك التقرير تصريحات هند سعيد صالح في يحدث في مصر

هند سعيد صالح: “بابا كان السبب في ان فكري صادق ميعملش دور خوليو في سلام ياصحبي”

قالت ابنة سعيد صالح خلال ضيافتها على برنامج يحدث في مصر المذاع على قناة mbc مصر: “سمعت ان بابا كان السبب في انه ميعملش دور خوليو في سلام ياصحبي ليه، عشان بابا قال لاستاذ نادر جلال ان استاذ فكري مسافر وهاتوا محمد متولي”.

وتابعت ساخرة: “ فبابا كدة جامد جدا انه يمشي رأيه على استاذ نادر جلال ويختار ممثل تاني، ودي حاجة مش قادرة استوعبها وحاجة لا تصدق لأن بابا اشتغل مع استاذ فكري قبلها في نأسف لهذا الخطأ وجبروت امرأة، واللي عارف سعيد صالح عارف انه ممثل هيمثل مع الجن الأرزق سواء زعلان منه أو لا”.

ابنة سعيد صالح: أنا مشفقة على فكري صادق من اللي حصله

وأضافت هند سعيد صالح خلال البرنامج: “أنا مشفقة على استاذ فكري لانه كان رايح يتكرم خرج بعاصفة، هو حط نفسه في موقف وحش، لو متضايق متضايق من اي من واحد مات على  فيلم حصل من 55 سنة، أنا عايزة أقفل الموضوع وأما اتكلمت عن الفيس بوك هزرت لأن مش بعرف أعمال غير كدة، وانا من مجوايا متضايقة بس الناس مش مديني فرصة ازعل كل الترتيب ده يحصل عشان يبقى في مظاهرة لـ سعيد صالح وكم دعوات دي مش عارفة استوعبها”.

واستكملت: “الاستاذ فكري صادق صعبان عليا جدا، ومراد كان زميلي في الجامعة، وأنا شايلة هامة ومهما كان دا أبوه وبيحبه ولازم يدافع عنه، وأنا بقوله انت معملتش حاجة غلط انت المفروض تصلح”.

نجوم الفن يدعمون سعيد صالح

جدير بالذكر، أنه حرج عدد كبير من نجوم الفن ليدعموا الفنان الراحل سعيد صالح، كان أخرهم الفنان محمد محمود عبد العزيز، الذي كتب: "النجم كبير سعيد صالح اللى اتشرفت انى عاصرته من طفولتى حتى شبابى و هند بنته كانت زميلتي فى المدرسه و مازالت صديقتى (كبرى دماغك يا هند عم سعيد كبير و اديكى شوفتى الناس عملت ايه، دى نفحه من ربنا عشان الكل يدعيله).. اسألكم الفاتحه والدعاء لابويا و للنجم سعيد صالح و لكل من رحلوا عنا”.