مراته كلمة السر.. مفاجأة تقلب الموازين بواقعة مقتل صدلي حلوان..فيديو

كشف تامر العسلي، شقيق زوجة صيدلي حلوان الجديدة، مفاجأة جديدة عن الواقعة، قائلا:"مراتي قالتلي ولاء أخويا مراته الأولى جابتله بلطجية وعايزاه يوقع على بعض أملاكه لها".

تحيا مصر

 أن شقيقته أخبرته بأن زوجها أخبرها عن طريق الواتساب، بأن زوجته الأولى، استقدمت له بلطجية، لإجباره على التوقيع على بعض الأوراق، وطالبها بإبلاغ النجدة، وبعد ذلك انقطع الاتصال.

دور حارس العقار في مقتل صيدلي حلوان

وأضاف "العسلي"،  خلال مداخلة هاتفية لبرنامج" حوار الخميس" المذاع عبر فضائية "الحدث اليوم"، مساء الخميس، :"مراتي طلب لأخوها النجدة عشان يجوا يخلصوا من مراته والبلطجية اللي معاها ، معقبا:" الدكترو ولاء تواصل مع جروب اتحاد ملاك العمارة التي يقطن فيها، وأبلغهم بوجود بلطجية".

وتابع:" والدة الدكتور ولاء تواصلت مع  حارس العقار، لكي ينقذه، ولكنه رفض قائلًا: "دي حاجات عائلية".

تفاصيل مقتل صيدلي حلوان

وأكمل:" أثناء سفري من المنوفية لحلوان، عشان أنقذه عرفت أنه تم إلقائه من الدور الخامس، بعد تعذيبه وضربه، معقبا:" أحد جيران الدكتور ولاء عندما ذهب في محاولة حل المشكلة رفضوا إدخاله رفضوا يدخلوه وسمع زوجته بتقوله فين الفلوس، هقتلك". 

والتقى موقع تحيا مصر بشقيقة صيدلي حلوان ، حيث سردت شقيقة الضحية تفاصيل مقتله بالقول:"لما أستنجد بيا من البلطجية اللي كانوا عنده في الشقة بسألوا مراتك فين من ده كله قالي" غدرت بيا". 

وأضافت:" أخويا الناس كلها بتحبه ودفنته كانت الناس كلها بتعيط عليه فيها أتعرف علي مراته الأولي في صيدلية عشان كانت شغالة مندوبة في الصيدليات و كانت بتتنقل هي وأهلها بين السعودية والقاهرة جه قالنا عليها ووالدتي زي أي أم كانت عايزة تجوزه وتفرح بيه وبالفعل روحنا وطلبنا أيديها وتم الزواج".

وتابعت شقيقة صيدلي حلوان:"بعد الجواز خلفوا ولد وسموه "يونس" ومراته أتغيرت جدا بعد الجواز وكانت مهملة في كل حاجة حتي في الاكل والشرب وتربية أبنها أخويا فضل في كتير يحاول يتأقلم معاها لحد ما جاب أخره وطلقها وبعد ما طلقها هي ووالدتها كانوا بيتصلوا بينا عشان نرجعها وأخويا عشان حنين وقلبه طيب ومهانش عليه أنه يسيب أبنه ردها عشان "يونس" وعاشوا مع بعض تاني وهي في الوقت ده كانت بتحاول تثبت أنها أتغيرت عن الأول عشان ميسيبهاش تاني لكن أتغيرت شوية ورجعت لطباعها تاني وساعتها اتطلقوا للمرة التانية".