سوسن بدر: مش بخاف من الموت والفترة دي بدلعني.. وعملت بوتكس مرة واحدة

أجابت الفنانة سوسن بدر عن العديد من الأسئلة التي وجهها لها الإعلامي عمرو الليثي على قناة الحياة، وذلك خلال الجزء الثاني من الحلقة التي أذيعت في مساء أمس الإثنين.

تحيا مصر يرصد في ذلك التقرير تصريحات سوسن بدر مع عمرو الليثي

سوسن بدر: أنا دلوقتي قاعدة بدلعني

قالت سوسن بدر خلال البرنامج: “السن حاجة جميلة جدا وحرية وتجربة وخبرة، بتبقى فاهم الحكاية عاملة ازاي ومعندكش خصومات في الحياة زمان كنا بنعافر دلوقتي خلصت المعافرة، انا حاسة ان انا دلوقتي قاعدة بدلعني”.

سوسن بدر: عملت بوتكس وتكميم معدة

وكشفت سوسن بدر حقيقة خضوعها لـ عمليات التجميل، فقالت: “عملت عملية تجميل من زمان في الخطوط اللي في وشي عملت بوتكس وكان باين والمسلسل كان لطيف وكان شكلي غريب، وعملت تكميم معد بسبب ان حصلي لغبطة في الهرموناات فتخنت وكان ده بسبب السكر”.

وعن إمكانية إعادة ترتيبت حياتها مرة أخرى، قالت سوسن بدر: “دلوقتي مش هقدر اعيد ترتيب اوراقي اللي اترتب اترتب واللي باظ باظ، هعيد فيها اي، ولو الزمن رجع بيا تاني هعيد كل التجارب بكل الأخطاء بتاعتها، الحمد لله ربنا قدرلي وكتبلي اننا مجيش وأمشي، عملت اعمال ليها اثر في المجتمع ومبسوطة بيها وعندي احلام لسة احققها وعايزة أفضل اعمل ادوار للجمهور وأكون حباها”.

سوسن بدر: مش بخاف من الموت والغدر بيجي من الرجالة

وتحدث سوسن بدر عن الموت، قائلة: “فراق الأحباب مبحبش افكر فيه، ومش بخاف من الموت نهائي الموت ميتخافش منه  ومستعدة للموت جدا بس بيصعب عليا الناس والأصحاب ومعنداس وصيات نكتبها، وأنا معنديش غلطة ونقطة ضعفي ان حد يكدب عليا ومكدبتش ولا مرة من الكدب اللي بسبب أذى لم يتعرف وعمري ما عيشت ولا لحظة غدر من أصدقائي، الغدر كان بيجي من الرجالة”.

وتطرقت سوسن بدر للحديث عن نقطة ضعفها، قائلة: “ان حد من ولادي يبقى زعلان او موجوع، ومعنديش حاجة عايزة انساها عشان دي حياتي  انسي ليه الوحش انا اتعلمت منه”، وكشفت سوسن بدر ايضا العديد من أسرارها الشخصية كحبها للعصافير وكرهها للكذب وغيرها.