بدرية طلبة: “مفيش حد أعلى مني في برنامج نفسنة.. وجبتلهم إعلانات”

تحدثت الفنانة بدرية طلبة عن تفاصيل مشاركتها في نجاح برنامج نفسنة، وقالت أنها السبب في الإعلانات على البرنامج، وذلك خلال لقائها ببرنامج البخت المذاع عبر شاشة قناة الشمس.

تحيا مصر يرصد لكم تصريحات بدرية طلبة عن برنامج نفسنة

وقالت بدرية طلبة في برنامج البخت: مفيش حد قعد على ترابيزة نفسنة أعلى من بدرية.. بختي في حتة ربنا ادهاني واتحطيت في برنامج نفسنة جت اعلانات وبقى في أعلى نسبة مشاهدة.

وقد علقت بدرية طلبة على اقتراح انتصار بتدريس الثقافة الجنسية في المدارس بعد تصريحها بذلك فب برنامج كلمة أخيرة.

بدرية طلبة تعلق على اقتراح انتصار بشأن تدريس الثقافة الجنسية

وقالت بدرية طلبة: الحماية الأم اللي بتعملها، بالإضافة إلى إنها تثقف وتنصح أولادها في البيت، لكن في المدرسة وعلى الملأ متهيألي ده هيدي العكس. وتابعت: وهذه الفكرة ليست صحيحة.. أنما زي ما احنا اتربينا، الأم توعي بنتها، والأب يصاحب الأبن ويوعيه.

وكانت قد تحدثت انتصار عن ضرورة توعية الأطفال منذ الصغير وتنشأتهم على الثقافة الجنسية في المدارس، في برنامج كلمة أخيرة، قائلة: التربية الجنسية في المدارس مهمة علشان بعد كدا ما يقتولوش بعض ويغتصبوا بعض، لازم نوعيهم، علشان لما الشخص يحب ما يتصدمش، يبقى عندو ثقافة ويبقى فاهم حدود العلاقة هو والطرف الآخر، مش يطلعوا يحبوا بعض وأول ما تقوله “لا” يقوم دابحها.

بدرية طلبة عن حملة مقاطعة أهالي اسكندرية لـ حفل محمد رمضان: “ممكن تكون دعاية”

وقالت بدرية طلبة خلال البرنامج عن حملة منع محمد رمضان: "أشك في الموضوع لأن أهل إسكندرية قلوبهم طيبة وجدعان جدا، والكلام ده مش عشان إسكندرية بلدي.

وتابعت: أحيانا في أنواع من الدعاية بالشكل ده، إني أصنع الموضوع ويبقى دعاية، وممكن تكون الشركة المسؤولة عن حفلة محمد رمضان قامت بالحملة، لأنه نزل إسكندرية والناس استقبلته استقبال حلو".

وأضافت: مفيش الكلام ده، أهل إسكندرية بيشيلوا الضيف على دماغهم، وأنا لسه راجعة من إسكندرية، وشوفت محمد رمضان معدي والناس والشباب بتجري وراه، أهل إسكندرية بعيد تماما عن معاداة أي فنان، ومحمد رمضان طول الوقت في الساحل وهو جزء من إسكندرية.