دخلت المستشفى بسبب مسلسل الليلة واللي فيها ومتجوزتش تاني لأني مقابلتش حد كويس.. تصريحات قوية لـ زينة

فجرت الفنانة المصرية زينة عدد من التصريحات النارية خلال حلولها ضيفة على برنامج الحكاية الذي يقدمه الاعلامي المصري عمرو أديب عبر قناة Mbc مصر الفضائية وذلك حول دورها في مسلسل الليلة واللي فيها فضلًا عن حياتها الشخصية.

ويرصدها لكم تحيا مصر في السطور التالية:

أبرز تصريحات زينة ببرنامج الحكاية

أنا في مشاهد في مسلسل الليلة واللي فيها كانت بتزيد فيها ضربات قلبي لدرجة أني روحت المستشفى واخدت حاجات تهديني.. أنا تعبت بجد

شخصيتي رشا في مسلسل الليلة واللي فيها غلبانة جدًا وكانت عايزة تحافظ على بيتها

مطرب الراب ابيوسف بني آدم طيب وموهوب وعنده مشاعر واحساس وممكن لما يتكلم عن باباه ومامته يعيط

لما أي حد يقولي كلمة تضايقني بنام وأنا قاعدة .. مرة اضايقت في فرح نمت على السماعات بتاع الأغاني ولما معرفتش اغش في اللجنة نمت وافتكروا أني موت جابولي الإسعاف

عايزة أعجز بسرعة عشان أشوف أولادي وهم كبار

بحتقر أي حد يقول الست متقدرش تعيش من غير راجل وبعدت عن واحدة صاحبتي عشان اطلقت ولقيتها ارتبطت بعدها علطول فبقولها لحقتي قالتي اصلا مقدرش اعيش من غير راجل

سبب عد زواج زينة مرة أخرى

متجوزتش تاني لأني مقابلتش حد كويس لأني بفهم الناس من جوا وشبعانة حب يكفيني أنا وعيالي سنين قدام

مسلسل الليلة واللى فيها أنقذنى وكنت هشتغل حاجه غير الفن لو فشل أو مكملش

في ناس بيكرهوني كلموني باركولي بسبب مسلسل الليلة واللي فيها.. ومش من الوسط الفني لا محدش بيكره حد في الوسط الفني

مسلسل الليلة واللي فيها يستحمل يتعمل منه جزء تاني لانه مليان أحداث

فضلت 5 سنين بدون عمل بسبب تضييق شخص ما في الوسط الفني

أبطال مسلسل الليلة واللي فيها 

وشارك في بطولة مسلسل "الليلة واللي فيها" بجانب النجمة زينة كل من الفنان محمد شاهين، مطرب الراب أبيوسف، والفنانة الكبيرة سماح أنور، علاء مرسي، آلاء سنان، بكري خالد، وليد حامد، شيما الشريف وعدد آخر من الفنانين الشباب، تأليف محمد رجاء، وإخراج هاني خليفة.