وجعني كلام الناس عن سمير صبري والصناعة لفظتني بشكل معلن.. أبرز تصريحات سماح أنور في "أسرار النجوم"

حلت الفنانة سماح أنور مساء اليوم الخميس الموافق 22 من شهر سبتمبر الجاري ضيفة في برنامج "أسرار النجوم" الذي تقدمه الإعلامية إنجي علي ويذاع على محطة راديو "نجوم إف إم"، وأثناء الحلقة تحدثت سماح عن الكثير من الأمور التي تخص حياتها الشخصية والفنية، وفي هذا التقرير يرصد موقع تحيا مصر أبرز تصريحاتها في الحلقة.

أبرز تصريحات سماح أنور في برنامج "أسرار النجوم"

ـ لما المخرج قالي شخصيتك في مسلسل "الليلة واللي فيها" محجبة، قولتله لا مش همثل بالحجاب عشان شكلي من غير شعر بيبقى شبه بيضة شم النسيم

ـ بعد نجاحي في مسلسل "الليلة واللي فيها" اتعرض عليا مسلسل كبير لنجوم كبار لشهر رمضان الجاي ودوري فيه كان مشهدين تلاتة، واستغربت أوي هما ليه باعتين ليا حاجة زي كده دلوقتي وأنا ناجحة ومكسرة الدنيا، قولت هما بيعملوا معايا كده ليه؟

ـ قبل الحادثة اللي حصلتلي انعزلت عن الوسط لمدة 5 سنوات، وبعد الثورة ناس قالوا لي دوري على شغل تاني ليكي، وما اخدتش كلامهم بشكل شخصي، ومكنتش صدمة ليا لأني كنت عارفة إني مش ممثلة بس

ـ ووجعني إن الناس بتتكلم عن سمير صبري بشكل وحش، وكل اللي اتقال عنه تأليف

ـ واللي بيتكلم عن شخص رحل عن الدنيا في حياته الشخصية هو يأكل لحم الناس ميتة وشخص يتاجر باسمه وعايز الناس تسمع عنه ويعمل تريند

ـ الصناعة لفظتني بشكل معلن، وفيه حاجات صغيرة بعرف منها التوجه القادم تجاهي

ـ حبي حاليا هو آدهم ابني، وطول عمري بقع على وشي في الناحية العاطفية

ـ هشام سليم أخويا من زمان، وتقابلنا سنة 84 أو 83، ونحن لم يكن يهمنا فكرة ذكر أعمارنا وهي مينفعش تكون عقدة عند البني آدم

ـ أنا تعلمت من والدي زمان أشياء كثيرة، وكان يقول لي إن الدنيا عاملة زي جهاز رسم القلب، لما تبقي فوق أجهزي عشان تبقي نازلة والعكس صحيح

أخر أعمال سماح أنور

ومن الجدير بالذكر أن أخر أعمال الفنانة سماح أنور مسلسل “الليلة واللي فيها” الذي تم عرضه مؤخرًا على منصة “شاهد” الإلكترونية من بطولة زينة وإخراج هاني خليفة.