امتنعت عن الغناء في الملاهي الليلية بعد الحج.. أبرز تصريحات حلمي عبد الباقي في "كلام الناس"

حل الفنان حلمي عبد الباقي ضيفًا في برنامج "كلام الناس" الذي تقدمه المذيعة ياسمين عز، ويذاع على شاشة تلفزيون قناة "إم بي سي" في تمام الساعة السادسة مساءً، وأثنا الحلقة تحدث الفنان حلمي عبد الباقي عن رأيه في أزمات نقابة المهن الموسيقية، والأغاني الجديدة مثل أغنية "نمت ننة"، و"البخت".

تحيا مصر يرصد أبرز تصريحات الفنان حلمي عبد الباقي في برنامج "كلام الناس"

أبرز تصريحات الفنان حلمي عبد الباقي

ـ أنا كنت موجود أصلا اليوم اللي حصل فيه حسن شاكوش على التصريح السنوي ومعرفتش أنه جه ولا أخد الكارنيه

ـ أنا بفتح السوشيال ميديا لقيته ماسك الكارنيه وطبعا كان موضوع صعب جدا وعملت فيديو وقولت لا عشان الموضوع استفزني جدا

ـ كانوا عايزيني أحضر المؤتمر وأنا رفضت لأني قولت لهم أنا لو روحت لازم أقول اللي قولته في الفيديو

ـ أنا في لحظة ما فكرت أن أنا اترشح للنقابة ولكن تراجعت في أخر لحظة

ـ مصطفى كامل حد كويس جدا وأول ما يميزه أنه ايده بيضا دا بناء على عشرة كبيرة جدا بينا

- الراب مش بيستهويني لأن أنا حاولت مرة بس مفهمتش بيقولوا ايه، يمكن عشان أنا بقيت قديم شوية

ـ عيشت مع الكلبة بتاعتي 15 سنة، وأنك تربي حيوان زي دا بجد بتبقى وفاته شيء صعب جدًا

ـ لا أفضل موضوع عمليات نحت عضلات البطن ويستحسن اللجوء للجيم ولعب الرياضة

ـ هاني شاكر أخد قرار استقالته من نقابة الموسيقيين في الوقت الصحيح، وهو قيمة فنية وإنسانية كبيرة جدًا

ـ بعد ما رجعت من الحج ابتعدت عن الغناء في الملاهي الليلية، ودا كان سبب قلة ظهوري

- ظلموك يا غالي أغنية جديدة عجبتني جدًا، الفترة الأخيرة حابب أتعامل مع الشباب

ـ بقى كل اللي يهمنا الشو، وفي فنانات لما بيغنوا على المسرح لايف بتبقى سنيدة للكورال

ـ حسيت بإحباط كبير لما كانت القنوات اللي بتعرض الأغاني قليلة، كان نفسي بلدي تدعمني بشكل أكبر، فجأة حسيت إني مش عايز أكمل وبعدت 10 سنين