سيدة في دعوي طلاق : جوزي معندوش ثقة في نفسه وبيحطلي كاميرات مراقبة في الحمام

"حبيبته الأولي خانته ومن ساعتها وهو بينتقم منها فيا أنا ".. بتلك الكلمات روت سيدة لتحيا مصر عن معاناتها مع زوجها الذي لا يفارق الشك خياله ، حتي وصل به الأمر أن يضع لها كاميرات مراقبة في الحمام.

زوج أمام محكمة الأسرة : طليقتي أستغلت نفقة أولادي وأتجوزت بيهم عرفي من ورايا

زوج يستغيث من داخل محكمة الأسرة: مراتي مريضة نفسيا وبتحطلي حبوب هلوسة في الشاي

مكنش كدة قبل الجواز 
 

بدأت الزوجة حديثها لتحيا مصر :" لما كنت مخطوبة لجوزي في البداية  كان بيغير عليا الغيرة العادية بين أي أتنين بيحبوا بعض، وأنا زيي زي أي بنت كنت بفرح بده , عشان كنت بشوف أن غيرته دي دليل علي حبه ليا، لكن أهلي كانوا بيحظروني منه و بيقولولي متسمحيش لغيرته عليكي طول الوقت أنها تسيطر عليكي وتتحكم فيكي، عشان ممكن يعمل فيكي زي رجالة كتيرة وتلاقي غيرته دي أتحولت لشك وعدم ثقة بعد الجواز .

حبيبته الأولي خانته 
 

وتابعت الزوجة :" كان حاكيلي أن في واحدة كان بيحبها زمان، وأكتشف أنها بتخونه مع راجل تاني وعايشة معاه قصة حب، حاول بعدها أنه ينساها ويسترجع ثقته في نفسه تاني وفضل فترة كبيرة في حياته بيعاني بسببها، لحد ما قابلني وحبينا بعض، وقالي أنه من يومها و هو حياته رجعتله تاني ونسي أي واحدة كان يعرفها قبلي، وأنا عشان كنت بحبه صدقته ".

كنت بتراقب في بيتي 

وأستكملت الزوجة :"بعد الجواز كل حاجة أتغيرت، و كلام أهلي اتحول لحقيقة، كان بينتقض وبيعلق علي أبسط تصرفاتي، منعني من حريتي وكنت حاسة أني عايشة في سجن مش عايشة في بيتي، وكل يوم كان بيتعملي أستجواب وتحقيق لدرجة أن وصل بيه الموضوع أنه حطلي كاميرات مراقبة في كل حتة في الشقة عشان لما يرجع من الشغل يطمن أن مفيش راجل غيره بيدخل البيت هنا كنت أتأكدت أن ثقته في نفسه أنعدمت بسبب حبيبته الأولي وأن أنا اللي بدفع تمن غلطها وكل اللي قدرت أعمله أني الجأ للقانون وللمحكمة عشان أعمل دعوي طلاق للضر وأخد حقي منه ".