المهرجانات مهمة ونفسي أعيد دور الشر بفيلم الرهينة.. تصريحات نور في أسرار النجوم

حلت الفنانة نور اللبنانية ضيفة برنامج أسرار النجوم مع إنجي علي على راديو نجوم أف إم، وكشفت العديد من الأسرار التي لم تفصح عنها سابقًا.

تحيا مصر يرصد لكم تصريحات نور اللبنانية مع إنجي علي وذلك خلال السطور القادمة 

- كنت هغرق في أحد مشاهد تصوير فيلم من 30 سنة في إنجلترا

- خوفت لا اموت وقولت عايزة  أشوف ولادي ورميت نفسي والغطاسين شدوني من تحت العربية وطلعوني

-بتمنى يكون ليا فيلم يشارك في مهرجان لكنها بقت متعبة

-المهرجانات مهمة جدًا وهي الوجهة الثقافية لأي بلد

- مكنوش فاهمين كلامي في فيلم شورت وفانلة وكاب وبيضحكوا عليا

-شاركت في مسرحية بعنوان تحب تشوف مأساة ووالدي قالي مش مصدق إنك بنتي

-نفسي أعيد دوري الشرير بفيلم الرهينة

-الأمومة غيرتني وبقيت قوية وبقف لأي شخص ييجي ناحية أولادي

- عايشة في مصر من 24 سنة

- دمي لبناني ولكن أصبحت معجونة بمصر

-خالد النبوي فنان كبير وكنت براقبه وأتعلم منه إزاي بيعيش في الشخصية وكأنها حقيقية

نور في السينما المصرية

وأكدت نور اللبنانية على أن جمالها كان سببًا رئيسيًا في دخولها إلى مجال السينما، حيث قالت: “وأنا جمالي هو كان باسبور دخولي السينما، ولكن الممثل هو اللي بيقرر هل هيبقى على نفس التراك ولا عايز يغير جلده.. وأنا نفسي أكون أحسن وأطور نفسي وعشان كدا خرجت نفسي من الأدوار النمطية ومش بتحط في أدوار معينة”.

وأضافت نور في برنامج أسرار النجوم قائلة: "وأنا بردو كنت بتكسف وكان دا بيقيدني طبعا وأخذت وقت معايا وأثرت عليا، ومع الوقت بدأ تفكي وتحرري والتمثيل زي الرياضة وتفكي عضلاتك، وأنا مش بحب أخسر التحدي وبقول هقدم الدور دا وهنجح”.

ومن جانبه أشارت الفنانة نور إلى أنها تتمنى العمل مع النجم كريم عبد العزيز، حيث قالت: “حظي كان حلو بشغلي في فترة السينما المظبوطة وكتيرة قبل انتشار المنصات الفنية، ونفسي أشتغل مع كريم عبد العزيز، ويمكن هو الوحيد اللي مشتغلتش معاه من الجيل دا، ولكن أشتغلت مع أحمد السقا وأحمد حلمي”.