من خارج الوسط.. المطرب إيساف يعلن خطوبته: "يا رب أكون قد الأمانة المباركة دي"

أعلن المطرب إيساف عن خطوبته من فتاة خارج الوسط الفني، وذلك عبر حسابه الرسمي بموقع تبادل الصور والفيديوهات الشهير انستجرام. 

تحيا مصر يرصد لكم إعلان إيساف خبر خطوبته عبر انستجرام 

خطوبة إيساف

ونشر إيساف صورة غير واضحة مع خطيبته، وعلق: تمت الخطوبة بحمد الله وربنا يبارك لينا جميعًا.. اللهم اجعل حياتنا سعيدة برضاك وكرمك وسترك علينا وقدرني واجعلني أكون قد الأمانة المباركة دي.. أنتي غير كل الناس.

تصريحات إيساف الأخيرة 

• زعلان أن الموضوع وصل لـ كدا وشيرين وحسام كانوا في قصة حب ودلوقتي مشاكلهم ظهرت للعلن

• أنا ضد إني أتكلم عن حياتي الشخصية للعلن ووسائل الإعلام

• ولو حصل مشكلة المفروض الشخص ميصرحش وبالتالي أنا مش قادر أتعاطف مع شيرين ولا حسام وبقول ربنا يهديهم

• أنا رجل شرقي الطباع بدرجة كبيرة وهناك صفات محددة يجب أن تمتلكها شريكة حياته

• أنا مرتبط دلوقتي ولما اتقابلنا قولت لو في بينا عدم ثقة يبقى مش هنكمل

• أنا وصلت لمرحلة دلوقتي صعب أوي إني ارتبط بـ واحدة في بينا علامات استفهام

• أنا شرقي الطباع جدًا، ويمكن ده اللي أخرني في الجواز.

• من خلال كل تجاربي وصلت إن العلاقات رزق وكرم من عند ربنا أو غضب من عند ربنا

• كنت دايمًا بحلم إن يتفق قلبي مع عقلي كان دايمًا فيه صراع ودلوقتي اتفقوا في علاقتي الحالية

• أنا واحد من الناس اللي طبعًا بحب الشكل الحلو ويكون دمها خفيف

•أنا اتعرفت عليها بالصدفة البحتة هي بتشتغل في مجال الإعلام

• كلمتني بخصوص البرامج واتقابلنا وقولت يا رب يطلع شخصيتها زي شكلها

هي واضحة وحقيقية زيي.

إيساف في راجل واتنين ستات

كشف الفنان إيساف خلال استضافته فى برنامج  راجل واتنين ستات التى تقدمه الفنانة هيدى كرم والإعلامية شريهان أبو الحسن ويذاع على قناة On ، أن اسمه بالكامل إيساف ثناء، وأختار اسمه الفنى أن يكون إيساف فقط لأن الاسم مميز ولا يحتاج للقب حتى أنه طيلة حياته لم يطلق عليه أصدقاءه Nick name ، كما هو متعارف بين الأصدقاء .