زوج في دعوي نشوز : مراتي بتضربني بالشبشب علي أتفه الأسباب وأمي حذرتني منها

"بتحسسني أني مش راجل ودايماً لاغية وجودي ف البيت".. بتلك الكلمات روي زوج ل تحيا مصر كيف كانت الحياة مع زوجته قبل أن يترك لها المنزل حفاظا علي كرامته التي أُهدرت  مع زوجته  التي ألغت أنوثتها و اتخذت أسلوب الرجال، بعد أن أصبحت أم وخرجت لمجال العمل الذي غيرها بالكامل ".

علاقة جنسية وراء خراب البيت..زهرة لمحكمة الأسرة:"بنات جوزي دمروا حياتي"

زوج في محكمة الأسرة: مراتي عايرتني بضعفي المادي وخانتني مع راجل خليجي

كنت متجوزها عن حب بس معرفش أية اللي جرالها 
 

بدأ الزوج حديثه لتحيا مصر حديثة قائلاً:" في بداية جوازنا كانت هادية معايا وبتحبني، وفجأة سنة ورا التانية ربنا رذقنا بأولاد وكانوا زيهم زي أي أطفال بيتشاقوا ويعيطوا كتير، هنا بدأت تظهر عصبيتها المبالغ فيها في تربية ولادنا، وكان عيالي لما يغلطوا بقصد أو بدون قصد كانت تضربهم وتشتمهم، بس كنت بعدي وبقول يمكن هي بتعمل معاهم كدة عشان تربيهم، ومجاش في بالي أن الأسلوب ده هي هتتبعه معايا أنا كمان ".

الشغل غيرها وخلاها عاملة  زي  الرجالة 
 

وتابع الزوج :" في مرة لقيتها بتقولي أنها تعبت من القعدة في البيت وعايزة تنزل تشتغل وتغير روتين يومها , وأنا وافقت عشان متفتكرش أني حابسها وضاغط عليها , وقولت يمكن لما تنزل تشتغل هتخرج الطاقة اللي جواها وعصبيتها هتخف شوية مع الأولاد  , بس للأسف نزلت شغل كانت بتقضي فيه أغلب اليوم , ولما بترجع بتبقي مش طايقة كلمة من حد , وطبعا ده صعب الأمر أكتر عليا وعلي ولادي ".

كانت بتضربني زي العيال علي أتفه الأسباب 

وأختتم الزوج :" أخر فترة كان الموضوع زاد عن حده , وبدأت مراتي تحسسني أن هي اللي راجل البيت مش أنا , وكنت لما أرفضلها أي طلب أو اتخانق معاها زي خناقة أي زوجين كانت تمد أيديها عليا وتشتمني , وانا عشان عندي منها عيال ومش عايز نظرتهم ليا تتغير ويحسوا أن أبوهم راجل ضعيف أو معندوش شخصية , كنت بحاول أفهمها بالهدواة أن كدة ميصحش وأن دي مش طريقة عيشة , لحد ما فقدت الأمل في أنها تتغير وسيبتلها البيت والعيال ورجعت قعدت مع والدتي , وحاليا رافع عليها دعوي نشوز علي أمل أن يحصل تغيير وتجيب معاها نتيجة ".