زوج في دعوى زنا : أتجوزتها عشان أستر عليها وخانتني مع سواق توك توك

" مشيها كان بطال ووعدتني تتغير بعد الجواز ".. بتلك الكلمات روي عبد الهادي.م. لـ تحيا مصر، قصته مع زوجته سمية التي أشتهرت بسمعتها وسلوكها السيئ ،حتي أحبت عبد الهادي ووعدته أنها ستكمل الباقي من عمرها لخدمته وخدمة أبنته من زوجته الأولي المتوفية، ليتفاجئ في النهاية بأن لها عشيق وتذهب أليه يوميا فجرا وتتركه هو وأبنته نائمين بالمنزل .

زوجة من محكمة الأسرة : جوزي بيخوني مع سلفتي وضبطهم على السرير بدون ملابس

بنتي ماتت بسببه..منار لـ محكمة الأسرة: جوزي بخيل وكان بيخبي الأكل في الدولاب

مراتي الأولي أتوفت والدنيا أسودت في وشي 

بدأ عبد الهادي حديثة لـ تحيا مصر :"أنا عندي 55 سنة ومن يوم ما اتجوزت مراتي الأولي وأنا عايش ليها و لبنتي, لحد ما يشاء القدر و يجيلي خبر وفاة زوجتي الأولي, الدنيا أسودت في وشي لأن مكنش ليا غيرها, ولما فوقت وبدأت أشد حيلي ناس جيراننا شاروا عليا بالجواز تاني عشان خاطر بنتي لسة صغيرة ومحتاجة حد جنبها ويرعاها, وأنا عشان راجل كبير وصحتي مبقيتش مساعداني أني أكمل بقية عمري لوحدي، وافقت فعلا علي كلامهم وبدأت أدور علي عروسة ". 

أتعرفت علي سمية وناس كتير كانوا بيحذروني منها 

وتابع عبد الهادي :" من 10 سنين في الوقت اللي كنت بدور فيه علي عروسة، أتعرفت علي سمية بالصدفة وكانت هي أصغر مني ب 15 سنة، ناس كتير لما كانوا بيشوفوني معاها كانوا بيحذروني منها ويقولولي كله إلا دي، دي سمعتها سبقاها وهتتعبك وحياتك معاها هتكون جحيم، بس أنا كانت رجولتي فرضت عليا أني مسيبهاش وأستر عليها من أي سكة بطالة هي مشيت فيها، وكنت بقول يمكن سنها الصغير وقلة خبرتها هما اللي وصلوها لكدة، وكان عندي أمل فيها انها بعد الجواز تتغير, وبالفعل أتجوزتها وهي وعدتني أن حياتها القديمة خلاص هتبقي ماضي ومش هيكون ليها أثر تاني ". 

كانت بتسيبنا نايمين وتروح لعشيقها الساعة 12 بليل 

وأستكمل عبد الهادي :" كنت راجع من الشغل بليل ولقيت جاري وقفني في الشارع وقالي أنا جاي أنصحك نصيحة لوجه الله وهي انك تخلي بالك علي بنتك اليومين دول من الست اللي أنت متجوزها، ولما طلبت منه يوضح لأني مكنتش فاهم حاجة، قالي أنه كل يوم بيشوف سمية رايحة لبيت واحد شغال علي توك توك الساعة 12 بليل, وترجع من عنده الفجر، والناس بدأت تاخد بالها وتتكلم, وأنت راجل محترم و بتخاف ربنا فخلي بالك علي بيتك ". 

لما واجهتها قالتلي دي صاحبتي وأنت اللي ظالم 

وأختتم عبد الهادي :"فضلت أيام بعد ما جاري قالي الكلام ده براقبها 24 ساعة، براقب كل تحركاتها وتصرفاتها,عشان مكونش أتسرعت في الحكم عليها من كلام راجل غريب، لحد ما في يوم قولتلها أني داخل أنام وبنتي كمان كانت نايمة، وفجأة سمعت صوت باب الشقة بيتقفل ولما طلعت لقيتها خرجت، خرجت وراها أنا كمان عشان أشوف هي رايحة فين ولقيتها داخلة عند الشاب اللي جاري قالي أنها بتروحله كل يوم، رجعت علي بيتي وكانت الصدمة والكسرة ببينهشوا فيا، أتصلت علي أهلها، ولما حضروا  قولتلهم خدوا بنتكم أنا مش عايزها، وهي عشان تداري علي عملتها قالتلي دي صاحبتي وبروح أزورها عشان تعبانة وأنت اللي راجل ظالم و شكلك كبرت وخرفت، ودلوقتي أنا رفعت عليها دعوي زنا عشان احبسها هي و الراجل اللي معاها، وأملي في ربنا كبير أني أشوفها مكسورة زي ما كسرتني ".

قضية أخرى

وفي قضية أخرى، بدأت ربة منزل تروي مأساتها مع زوجها الخائن قائلة:" أتجوزنا عن حب من 20 سنة، وربنا رزقنا خلالها بـ 7 أطفال، وكانت الناس كلها بتحسدنا علي حياتنا الهادية والمستقرة, لكن في الفترة الأخيرة كانت بدأ اسلوبه معايا يتغير و كان بيسيبنا انا و عيالي و يبات برة بالأيام علي أساس أن عنده شغل وأنا كنت مغفلة و بصدق كل مرة كان بيكدب عليا فيها, حياتي كلها كانت ليه هو وعيالي ومكنتش عايزة اي حاجة من الدنيا غير أننا نكون مبسوطين ونكمل مع بعض العمر كله". 

صاحب جوزي يطرق على الباب في منتصف الليل 

وأستكملت:"في مرة كنا نايمين في البيت وكانت الساعة 3 الفجر وهو كان قايلي أنه هيبات في الشغل و هيرجع الصبح, لقيت الباب بيخبط وأفتكرته هو وفتحت الباب وأنا بقميص النوم، لقيت راجل غريب قدامي أتهجم عليا ودخلني الشقة و قفل عليا الباب عشان محدش من الجيران يسمع صوتنا, أعتدي عليا وقطع هدومي كلها وبعها بدقايق لقيت جوزي بيفتح باب الشقة و شاف كل حاجة بعينه ". 

 متجوز عليا في السر 

وتابعت :"جريت عليه وانا هدومي كلها متقطعة وكنت فاكراه هيجيبلي حقي من الشخص ده ويحميني منه، وكانت المفاجأة أنه طلع صاحبه و كانوا متفقين علي كل ده مع بعض, عشان لما يطلقني ميدينيش حقوقي, وعشان يروقله الجو مع مراته الجديدة، وبعد مرور أيام أكتشفت أنه متجوزها من فترة وانا علي ذمته من غير ماعرف, في اللحظة دي صاحبه هرب و خدني وأنا علي نفس الوضع وجري بيا علي القسم عشان يعملي محضر يتهمني فيه بالخيانة، وأنا مكنش في أيدي حاجة أعملها غير أني أتغلب علي صدمتي وأرفع عليه دعوي طلاق للضرر, لأني حتي لو أتخدعت فيه فأنا عندي منه 7 عيال ملهمش ذنب ف حاجة ولازم أقف علي رجلي من تاني و أنفصل عنه عشان أعيشلهم".