زينة عن مسلسل "الليلة واللي فيها": المسلسل بيناقش فكر جديد وجريء.. والحلقات اللي جاية حمادة تاني خالص

تحدثت الفنانة زينة في مكالمة هاتفية لها في برنامج "كلاكيت" الذي تقدمه المذيعة لينا الطهطاوي ويذاع على محطة راديو "نجوم إف إم" عن مسلسلها الجديد "الليلة واللي فيها" الذي يعرض حاليًا على منصة "شاهد" الإلكترونية.

تحيا مصر يرصد أبرز تصريحات الفنانة زينة عن مسلسلها الجديد "الليلة واللي فيها"

حيث أوضحت زينة إنها أعجبت من المسلسل فور قراءة السيناريو، حيث قالت: "بعد ما العاملين على المسلسل بعتولي السيناريو بصراحة قلت لهم إزاي هيتنفذ مش قادرة أكمل قراءة ومش قادرة أخذ نفسي من كتر اللي بيحصل وخايفة أمثلها ومكنتش فاهمة، الكتابة كانت عظيمة الأستاذ محمد رجائي كاتب سيناريو رائع، وكنا بنعمل كل حاجة عشان نوصل وجهة نظر المخرج العبقري، هاني خليفة، وهو السبب إن العمل يطلع بالشكل دا، والحمدلله إن ربنا وفقنا جميعا، ومعانل ممثلين كبار، وأنتوا لسه مشوفتوش حاجة، الحلقات اللي فاتت حمادة واللي جاي حمادة تاني خالص".

ردود الأفعال على مسلسل "الليلة واللي فيها"

وعن ردود الأفعال على المسلسل كشفت زينة أنها لم تكن متوقعة تلك ردود الأفعال، حيث قالت لـ برنامج "كلاكيت": "متوقعتش ردود الفعل على المسلسل، أنا عارفة إن هو حلو أوي وتفاجأت بأن ذوق الجمهور عال، وجمهورنا في الوطن العربي راق لما يرى فن محترم متعوب عليه يشيدون به، وشوفت تعليقات على الكادرات والناس بيقولوا العمل مصروف عليه إلى هذه الدرجة وصل وعي الجمهور، وأنا لسه عندي طاقات كتيرة ونفسي أشتغل مع كل الناس اللي بتفهم زي الأستاذ هاني خليفة، الحمدلله ربنا كرمني وعوضني خير بالعمل دا".

كواليس مسلسل "الليلة واللي فيها"

وأكدت زينة أن كواليس العمل كانت رائعة وكل شخص كان يركز على عمله فقط، حيث قالت: "أنا شخصيا بحب الهزار والضحك في اللوكيشن، بس كواليس العمل دا مختلفة وكل واحد كان مركز وكل واحد همه على الفنان اللي جانبه وكلنا كنا بنساعد بعض وكان فيه حب فظيع، وربنا عوضني عن أي حاجة وحشة شوفتها قبل كده في الشغل، المسلسل كان بيتم التحضير ليه من سنة، وهاني خليفة بيحب موهبة الممثل وهو فنان شاطر غير إنه مخرج متميز".