حلمي عبد الباقي: بحمد ربنا على حب الناس.. وإيهاب توفيق من الناس اللي سألت عليا وقت مرضي

أكد الفنان حلمي عبد الباقي على أنه بخير ويتمتع بحة جيدة حاليًا بعدما أجرى عملية جراحية بسيطة، كما أعرب عن سعادته بالحب الذي لمسه من الناس التي اطمئنت عليه وقت أزمته الصحية.

تحيا مصر يرصد تصريحات حلمي عبد الباقي عن أزمته الصحية

حيث قال حلمي عبد الباقي في حلقته ببرنامج “من مصر”: “أنا تمام الحمد لله جدا يعني كانت عملية بسيطة كدا والحمد لله تمام دلوقتي، وهو اللي حصل أن أنا من الناس اللي مش بتحب الحاجات دي تنزل غلى السوشيال ميديا، فرحت عملت العملية أنا ومراتي بس حتى مقولتش لأخواتي ولا قولت لأي حد وبعدين تاني يوم لقيت فيه حد من الأصدقاء كاتب ادعوا لحلمي عبد الباقي”.

حلمي عبد الباقي: بحمد ربنا على حب الناس

كما كشف عبد الباقي عن تلقيه لعدد كبير من المكالمات الهاتفية عقب انتشار خبر مرضه، حيث قال لبرنامج “من مصر”: “فلقيت كمية تليفونات فظيعة وكان جسمي بيقشعر من كتر التليفونات ومن كتر البوستات اللي الناس بتكتبها بحب، وأنا حسيت أن أنا عامل عملية فظيعة كبيرة أوي والناس مش فاهمة، فأنا قولت لازم اطمنهم أن العملية بسيطة فقلبت الدنيا أكتر”.

وتابع قائلًا: “فالحمد لله بجد، أنا بحمد ربنا على حب الناس ودا من دعاء أمي وأبويا الله يرحمهم، كانت الدعوة الشهيرة بيها إنها كانت دايما تقولي يا ابني ربنا يحبب فيك خلقه”.

من اطمئن عليه من نجوم جيله

وأوضح عبد الباقي أن هناك نجوم كثيرة اطمئنت عليه وقت مرضه، حيث قال: “احنا مش بنتقابل كتير أوي بس فارس دايما على اتصال بيا وإيهاب توفيق من الناس اللي أنا بحبهم جدا جدا على المستوى الشخصي والفني ومصطفى قمر وحميد الشاعري وعلاء عبد الخالق، يعني بجد مجموعة صعب أنها تتكرر، غير أنهم نجوم، الألفة والحب اللي كان موجود بيننا”.

أزمة حلمي عبد الباقي الصحية

ومن الجدير بالذكر أنه منذ عدة أسابيع تعرض الفنان حلمي عبد الباقي لوعكة صحية مفاجئة أدت به إلى الخضوع لعملية جراحية، وإتمام شفائه حرص عبد الباقي على توجيه رسالة شكر لكل من اطمئن عليه أثناء أزمته الصحية، حيث كتب عبر حسابه الشخصي على موقع التواصل الاجتماعي "فيسبوك": "انا بجد مش عارف اقول ايه علي اهتمامكم وسؤالكم عني مهما اقول مش هقدر اعبر  عن  مشاعري تجاهكم واحب اطمن كل حبايبي  انا الحمدلله بخير وهي كانت عمليه بسيطه وعدت على خير".

وتابع قائلاً: "الف الف الف شكر علي حبكم اللي بيمثلي حاجة كبيرة اوي في حياتي وربنا يكفيكم شر المرض جميعا وتاني الف الف شكر وبحبكم في الله”.