مش قادر أتعاطف مع شيرين عبد الوهاب وحسام حبيب وشريكة حياتي شكلها لازم يكون حلو.. تصريحات قوية لـ إيساف

فجر المطرب إيساف عدد من التصريحات النارية خلال لقائه في إحدى اللقاءات التليفزيونية  حول أزمة الفنانة شيرين عبد الوهاب وطليقها حسام حبيب وسبب تأخر زواجه.

تحيا مصر يرصد أبرز تصريحات إيساف

تصريحات إيساف

• زعلان أن الموضوع وصل لـ كدا وشيرين وحسام كانوا في قصة حب ودلوقتي مشاكلهم ظهرت للعلن

• أنا ضد إني أتكلم عن حياتي الشخصية للعلن ووسائل الإعلام

• ولو حصل مشكلة المفروض الشخص ميصرحش وبالتالي أنا مش قادر أتعاطف مع شيرين ولا حسام وبقول ربنا يهديهم

• أنا رجل شرقي الطباع بدرجة كبيرة وهناك صفات محددة يجب أن تمتلكها شريكة حياته

• أنا مرتبط دلوقتي ولما اتقابلنا قولت لو في بينا عدم ثقة يبقى مش هنكمل

• أنا وصلت لمرحلة دلوقتي صعب أوي إني ارتبط بـ واحدة في بينا علامات استفهام

• أنا شرقي الطباع جدًا، ويمكن ده اللي أخرني في الجواز.

• من خلال كل تجاربي وصلت إن العلاقات رزق وكرم من عند ربنا أو غضب من عند ربنا

• كنت دايمًا بحلم إن يتفق قلبي مع عقلي كان دايمًا فيه صراع ودلوقتي اتفقوا في علاقتي الحالية

• أنا واحد من الناس اللي طبعًا بحب الشكل الحلو ويكون دمها خفيف

•أنا اتعرفت عليها بالصدفة البحتة هي بتشتغل في مجال الإعلام

• كلمتني بخصوص البرامج واتقابلنا وقولت يا رب يطلع شخصيتها زي شكلها

هي واضحة وحقيقية زيي.

إيساف في راجل واتنين ستات

كشف الفنان إيساف خلال استضافته فى برنامج  راجل واتنين ستات التى تقدمه الفنانة هيدى كرم والإعلامية شريهان أبو الحسن ويذاع على قناة On ، أن اسمه بالكامل إيساف ثناء، وأختار اسمه الفنى أن يكون إيساف فقط لأن الاسم مميز ولا يحتاج للقب حتى أنه طيلة حياته لم يطلق عليه أصدقاءه Nick name ، كما هو متعارف بين الأصدقاء . 
وتابع الفنان إيساف ، والدى رحمة الله عليه كان يحب الأشياء المميزة والغريبة ولم يختار اسمى عشوائى فأنا أمتلك ثلاثة أخوات هم أيضا أصحاب أسماء مميزه فأخى الكبير اسمه نمازى وهو اسم عندى يعنى الرجل الذى يصلي وتوأمه اسمها ريهان أى رخات المطر ، أما أختى الثانية اسمها ماهيتاب وهذا الاسم كان نادرجدا حينها ، وأنا إيساف والذى يعنى حامل السيوف باللغة الفارسية ، والسم بالكامل إيساف ثناء إبراهيم محمد جبل من عائلة جبل بالشرقية ، وبالمناسبة كان أبى يريد أن يسمينى قيس ولكن والدتى أعترضت وسميت إيساف .