سلمتله نفسي وأدمن المخدرات وسابني.. قصة ندى تركها حبيبها أثناء حملها منه سفاحا بأرض اللواء

«سلمتله نفسي عشان كنت بحبه وبعدها سابني أنا وابني و دخل السجن».. بتلك الكلمات روت ندي لـ تحيا مصر تفاصيل معاناتها مع زوجها أحمد الذي ألقي  في السجن لإدمانه المخدرات أثناء حملها منه، وكيف حصلت علي إثبات الزواج منه وإثبات نسب طفلها .

كنت بحبه وأتخليت عن أهلي عشانه 

بدأت ندي قائلة:"كان عندي 15 سنة لما أتعرفت علي أحمد وهو أكبر مني في العمر بسنتين بس حبينا بعض وقررنا نكمل العمر كله سوا وأن علاقتنا تبقي في سرية تامة ونبعد عن أهلنا  عشان مكنوش هيرضوا يجوزونا لبعض لسننا الصغير".

غلطت معاه و سلمتله نفسي 

واستكملت ندي:" بعدت عن أهلي ومكملتش تعليم وكنت وقتها في أعدادي ومعيش غير شهادة الأبتدائية وقولت مش مهم التعليم أنا هعيش لأحمد وبس وعشان كنا بنحب بعض وبنتقابل كل يوم في شقة لوحدنا ضعفت معاه وسلمتله نفسي وهو وعدني أنه هيحافظ عليا وده الل أداني الأمان معاه".

اغتصاب ملك.. طفل يهتك عرض فتاة داخل ملاهي بأسيوط

المشدد 10 سنوات 6 متهمين في واقعة اغتصاب فتاة بعين شمس

حملت منه واضطرينا نتجوز عرفي 

وتابعت ندي:"كملت الـ 16 سنة وأنا حامل وطلبت منه إننا نتجوز عرفي عشان الولد اللي في بطني وبالفعل أتجوزنا وجيبت الولد وهو عاش معانا سنتين وبعدها أتلم علي ناس من الشارع وكان بيرجع كل يوم شارب ومش دريان بنفسه". 

سيبتله البيت علي أساس هيتغير بعدها عرفت أنه أتحبس 

وأضافت ندي: "تعبت منه ومن العيشة معاه بعد ما أدمن المخدرات فقررت أسيبله البيت علي أساس هيتغير ويبطل شرب وبعد ما سيبته جيبت الولد ودورت عليه في الدنيا كلها عشان أقوله وأوريله ابنه بس ساعتها عرفت أنه اتحبس في قضية مخدرات". 

وكلت المحامي أبراهيم عامر عشان أعمل أثبات نسب 

واختمت ندي:"رضيت بالأمر الواقع وأن خلاص ابني أنا اللي هشيل مسؤوليته لوحدي من غير أبوه فقررت أشتغل وأحوش فلوس عشان أروح لمحامي يعملي إثبات لجوازي من أحمد وإثبات أن عمر يبقي ابنه وبالفعل روحت لمحامي كبير اسمه إبراهيم عامر وكان ده سنة 2021، وبالفعل بعد سنة واحدة في 2022 نجحت القضية وكسبتها وبقي عمر ابنه رسميا وأنا بقيت مراته رسميا وحاليا ماشية في إجراءات السجل المدني إني اطلع شهادة ميلاد لعمر وقسيمة جواز ليا من أحمد".