محمد رمضان يستجيب لشكاوي حجز تذاكر حفله بالعلمين: "الشركة المنظمة هتبعتلكم وتحل كل المشاكل"

استجاب الفنان محمد رمضان للشكاوي التي جاءت من الجمهور، بشأن حجز تذاكر حفله القادم بمدينة العلمين الجديدة، والمقرر إقامته بعد غد 

تحيا مصر يرصد لكم استجابة محمد رمضان لـ شكاوى الجمهور بسبب حجز التذاكر وذلك خلال السطور القادمة

شكاوى الجمهور بسبب التذاكر

وشارك محمد رمضان إحدى شكاوى الجمهور عبر حسابه الرسمي بموقع التواصل الإجتماعي فيسبوك، الذي قال: تجربة سيئة حصلت دلوقتي مع تيكيتس مارشيه وحفلة محمد رمضان في مول North Square في العلمين الجديدة من تنظيم Ocho events.

وتابع: دلوقتي انا حجزت لناس صحابي تذاكر الحفلة أون لاين وروحت دفعت واشترتها بنفسي من ستيلا في الساحل من منقوشة منفذ بيع تيكيتس مارشيه في الساحل يوم الجمعة اللي فاتت، النهاردة تيكتس مارشيه بيكلموني قبل الحفلة بيوم يقولولي معلش اصل احنا اتخانقنا مع مش عارف مين ومقموصين من رمضان ومنظمين الحفلة وحضرتك تيجي الميرغني ترجع التذاكر وتاخد فلوسك، مع العلم الحضور جاي من برة مصر والتذاكر في العلمين الجديدة اصلا والحفلة اصلا بعد بكرة، والتذاكر اتنقل بيعها لفوري وتيكتس مول وده شىء ميخصنيش، فانا بحذركم جميعا لو مشكلتي متحلتش في خلال ساعة هروح مكان الحفلة وهاخد نفس الترابيزة هي هي لاني دافع فلوسها.
واختتم كلامه، قائلًا: مش مشكلتي اني محمد رمضان نزل ستوري هاجمكم فيها او منظمين الحفلة مش مسيطرين انا جايب لناس تذاكر واسم المعلم احمد كوتي مش هينفع يتهز في سوق الحفلات بسبب تيكيتس مارشيه وعيب شغل الكومبارسات ده.

محمد رمضان: "الشركة المنظمة هتبعتلكم وتحل كل المشاكل"

وعلق محمد رمضان على هذا المنشور، قائلًا: أنا عامل حفلة نبسط بيها الناس مش نكدرهم.. بوعدك يا احمد الشركة المنظمة هتبعتلك وهتحل مشكلتك.

وتابع رمضان: وللعلم اتعرض عليهم من الشركة المنظمة نقل التذاكر اللي اتحجزت من خلالهم الى شركة (فوري) مقابل خصم نسبتهم بنفس الفئة و نفس السعر ولكنهم رفضوا وبلغوا الناس بإلغاء الحفل مع إن الحفلة في ميعادها الجمعة القادمة ان شاء الله، ملحوظة تم نفاذ تذاكر الـ vip.